ئومۇميۈزلۈك سوتسىيالىستىك زامانىۋىلاشقان دۆلەت قۇرۇشتا ياخشى قەدەم تاشلاش كېرەك

　　خەلق تورى ئۇيغۇرچە قانىلىنىڭ 6-نويابىر بېيجىڭدىن بەرگەن تېلېگراممىسى: «14-بەش يىل»لىق پىلان مەزگىلى ئېلىمىزنىڭ ئومۇميۈزلۈك ھاللىق جەمئىيەت قۇرۇپ چىقىش، بىرىنچى 100 يىللىق كۈرەش نىشانى ئەمەلگە ئاشۇرۇلغاندىن كېيىن، ۋەزىيەتكە قاراپ ئومۇميۈزلۈك سوتسىيالىستىك زامانىۋىلاشقان دۆلەت قۇرۇش يېڭى مۇساپىسىنى باشلاپ، ئىككىنچى 100 يىللىق كۈرەش نىشانىغا يۈرۈش قىلىدىغان تۇنجى بەش يىل. «ئىككى 100 يىل»لىق كۈرەش نىشانىنىڭ تارىخىي كېسىشىش نۇقتىسىدا، پارتىيە 19-نۆۋەتلىك مەركىزىي كومىتېتىنىڭ 5- ئومۇمىي يىغىنى «ج ك پ مەركىزىي كومىتېتىنىڭ خەلق ئىگىلىكى ۋە ئىجتىمائىي تەرەققىياتنىڭ 14-بەش يىللىق يىرىك پىلانى ۋە 2035-يىللىق كەلگۈسى نىشاننى تۈزۈش توغرىسىدىكى تەكلىپى» قاراپ چىقىپ ماقۇللىنىپ، كەلگۈسى بەش يىل، ھەتتا 15 يىلدىكى جۇڭگو تەرەققىياتىنىڭ يېڭى خەرىتىسىنى سىزىپ چىقتى، بۇ، ئومۇميۈزلۈك سوتسىيالىستىك زامانىۋىلاشقان دۆلەت قۇرۇشنىڭ يېڭى غەلىبىسىنى قولغا كەلتۈرۈشتىكى پىروگرامما خاراكتېرلىك ھۆججەتتۇر. بىز پارتىيە 19 ـ نۆۋەتلىك مەركىزىي كومىتېتى 5-ئومۇمىي يىغىنىنىڭ روھىنى ئەستايىدىل ئۆگىنىپ ۋە ئىزچىللاشتۇرۇپ، شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسىنى يېتەكچى قىلىشتا چىڭ تۇرۇپ، «تۆت ئاڭ»نى كۈچەيتىپ، «تۆت ئىشەنچ»نى چىڭىتىپ، «ئىككىنى قوغداش»نى ئىشقا ئاشۇرۇپ، بىر نىيەت، بىر مەقسەتتە، قەيسەرلىك بىلەن كۈرەش قىلىپ، ئومۇميۈزلۈك سوتسىيالىستىك زامانىۋىلاشقان دۆلەت قۇرۇش ئۈچۈن تىرىشىپ ياخشى قەدەم تاشلىشىمىز كېرەك.

　　ئومۇميۈزلۈك ھاللىق جەمئىيەت قۇرۇپ چىقىشتا ھەل قىلغۇچ نەتىجىلەر قولغا كەلتۈرۈلۈپ، يېڭى مۇساپە باشلاش ئۈچۈن پۇختا ئاساس تىكلەندى

　　ئومۇميۈزلۈك ھاللىق جەمئىيەت قۇرۇپ چىقىش − 1 مىليارد 400 مىليون جۇڭگو خەلقىنىڭ ئورتاق ئارزۇسى. پارتىيە 18-قۇرۇلتىيىدىن بۇيان، يولداش شى جىنپىڭ يادرولۇقىدىكى پارتىيە مەركىزىي كومىتېتى ئېلىمىزنىڭ ئىقتىسادىي، ئىجتىمائىي يېڭى تەرەققىياتى ۋە كەڭ خەلق ئاممىسىنىڭ يېڭى ئارزۇسىغا ئۇيغۇنلىشىپ، ئومۇميۈزلۈك ھاللىق جەمئىيەت قۇرۇپ چىقىشنىڭ يېڭى نىشان تەلىپىنى ئوتتۇرىغا قويۇپ، «ھاللىق سەۋىيەگە يېتىش»كە تېخىمۇ يۇقىرى ئۆلچەم، تېخىمۇ مول مەزمۇن، تېخىمۇ ئەتراپلىق تەلەپ قويدى. ئومۇميۈزلۈك ھاللىق جەمئىيەت قۇرۇپ چىقىش − «ئىككى 100 يىل»لىق كۈرەش نىشانىنىڭ تۇنجى 100 يىللىق كۈرەش نىشانى بولۇپ، پارتىيەمىزنىڭ خەلققە، تارىخقا بەرگەن تەنتەنىلىك ۋەدىسى، شۇنداقلا ۋەزىيەتكە قاراپ ئومۇميۈزلۈك سوتسىيالىستىك زامانىۋىلاشقان دۆلەت قۇرۇش يېڭى مۇساپىسىنى باشلاشنىڭ پۇختا ئاساسىدۇر.

　　كۆرۈپ بېكىتكۈچى: ياسىن قادىر

　　مەنبە: خەلق تورى