قاغىلىقتا ئېچىلدى ئانار چېچىكى، كۆرۈندى دېھقانغا ھوسۇل شادلىقى

2015.06.04 16:46   مەنبە: خەلق تورى

　　خەلق تورى ئۇيغۇرچە قانىلىنىڭ 2-ئىيۇن بېيجىڭدىن بەرگەن تېلېگراممىسى (شىنجاڭ ئىقتىساد گېزىتى مۇخبىرى دىلشاد غوجائەھمەد فوتوسى)ئىيۇندا ئانارلىق باغلاردىن خۇشپۇراقلار چېچىلدى، «جۇڭگو ئانار ماكانى» دەپ نام ئالغان قاراقۇرۇم باغرىدىكى قاغىلىقتا 2 – ئىيۇن شادىيانە ساما ئۇسسۇلى بىلەن قاغىلىق ناھىيەسىنىڭ 9– نۆۋەتلىك «ئانار چېچىكى پەسلىدە قاغىلىققا مەدھىيە» ئانار چېچىكى بايرىمى ناھىيە بويىچە ئەڭ چوڭ ئانارلىق بەش ئېرىق يېزىسىدا باشلاندى.

　　پائالىيەت جەريانىدا جۇشقۇن ناخشا – مۇزىكا، ئۇسسۇللار ئاممىغا سۇنۇلدى، قوشقار سوقۇشتۇرۇش، توخۇ سوقۇشتۇرۇش، ئانارلىق باغدا ئانار چېچىكىنى تاماشا قىلىش قاتارلىق مەزمۇنلار ئورۇنلىنىپ، قاتناشقۇچىلارنىڭ قىزغىن ئالقىشىغا ئېرىشىلدى.قاغىلىق ناھىيەلىك پارتكوم دائىمىي كومىتېتىنىڭ ئەزاسى، تەشۋىقات بۆلۈمىنىڭ باشلىقى رۇقىيە مۇھەممەد مۇنداق دېدى: ئانار چېچىكىنى ۋاسىتە قىلىپ، بايرام تەنتەنىسىنى نامايەن قىلىپ، پىكىر ئالماشتۇرۇش ۋە ھەمكارلىق سەھنىسىنى ھازىرلاپ، قاغىلىقنىڭ نام – شەرىپىنى كۆپ تەرەپلىمىلىك تەشۋىق قىلىپ ۋە يۇقىرى كۆتۈرۈپ، سىرتقا قارىتا يېڭى ئوبازىنى مەركەزلىك نامايەن قىلىپ، ئۆزگىچە باغ – ئورمانچىلىق كەسىپ ئەۋزەللىكى تەبىئەت ۋە مەرىپەت مەنزىرىسى، سەھرا مەدەنىيىتىنىڭ سېھرى كۈچى قاتارلىقلارنى تولۇق نامايەن قىلىپ، يېزا ئىگىلىك ئالاھىدە مەھسۇلاتلىرى ۋە ساياھەتچىلىكنىڭ جۇش ئۇرۇپ تەرەققىي قىلىشىنى ئىلگىرى سۈرۈشتىن ئىبارەت.

　　ئىگىلىشىمچە، قاغىلىق ناھىيەسى يېقىنقى يىللاردىن بۇيان ئۆزگىچە دېھقانچىلىقنى تەرەققىي قىلدۇرۇپ، ناھىيە بويىچە باغ – ئورمانچىلىق كۆلىمىنى 850مىڭ موغا يەتكۈزدى، بۇنىڭ ئىچىدە ئانارلىق كۆلىمى 100مىڭ موغا، مەھسۇلات مىقدارى 10مىڭ توننىدىن ئاشتى، دېھقانلارنىڭ باغ – ئورمانچىلىقتىن كىرگەن كىرىمىلا 7389يۈەنگە يەتكەن.

　　مۇھەررىر:ت. ئا.ئەركمان

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ