خەلق تورى ئۇيغۇرچە قانىلىنىڭ 4-ئىيۇن بېيجىڭدىن بەرگەن تېلېگراممىسى (ئالىم راخمان خەۋىرى، پەرىزات ئابلىھەت فوتوسى): 3-ئىيۇن كەچتە «غەربىي دىيار كۈيى» ئۇسسۇل كېچىلىكى بېيجىڭدا ئۆتكۈزۈلدى. بۇ قېتىملىق ئۇسسۇل كېچىلىكىگە شىنجاڭ سەنئەت ئىنىستىتۇتىنىڭ ياش ئوقۇتقۇچىسى، زىيارەتچى تەتقىقاتچى گۈلمىرە زۇنۇن يېتەكچىلىك قىلغان بولۇپ، مەركىزىي مىللەتلەر ئۇنىۋېرسىتېتى ئۇسسۇل ئىنىستىتۇتى 2012-يىللىق نىشانلىق سىنىپ ئوقۇغۇچىلىرى ۋە گۈلمىرە مۇئەللىم بىرلىكتە ئورۇنلىدى. كېچىلىكتە ئۇسسۇلىچلار نەپىس ئۇسسۇللىرى بىلەن غەربىي دىيار ئۆزگىچە سەنئىتىنىڭ سېھرىي كۈچىنى نامايان قىلدى.
مەركىزىي مىللەتلەر ئۇنىۋېرسىتېتى ئۇسسۇل ئىنىستىتۇتىنىڭ 2012-يىللىق نىشانلىق سىنىپىدا ئۇيغۇر، قازاق، خۇيزۇ قاتارلىق ئۈچ ئاز سانلىق مىللەت ئوقۇغۇچىلىرى بار بولۇپ، ئۇلار ئۇسسۇلغا بولغان ئوتتەك قىزغىنلىق بىلەن ئۆزلىرىنىڭ ئارزۇ-ئارمانلىرىنى ئەمەلگە ئاشۇرۇش ئۈچۈن سائەتلەپ، كۈنلەپ قان-تەر تۆكمەكتە، گۈزەل ئۇسسۇل ھەرىكىتى ئارقىلىق گۈزەل كەلگۈسىگە بولغان تەلپۈنۈشلىرىنى سىزىپ چىقماقتا.
مەركىزىي مىللەتلەر ئۇنىۋېرسىتېتىنىڭ زىيارەتچى تەتقىقاتچىسى، شىنجاڭ ئۇسسۇل ئىنىستىتۇتىنىڭ ياش ئۇسسۇل ئوقۇتقۇچىسى گۈلمىرە زۇنۇن بېيجىڭدا ئۆگىنىش مەزگىلىدە ئۆز تىرىشچانلىقى ئارقىلىق، مەركىزىي مىللەتلەر ئۇنىۋېرسىتېتىدا ئوقۇتقۇچى-ئوقۇغۇچىلار دوكلات ئويۇنى قويۇش پۇرسىتىنى قولغا كەلتۈردى. كېچىلىك شىنجاڭدىكى ئاز سانلىق مىللەتلەرنىڭ ئەنئەنىۋىي ئۇسسۇلىنى ئاساسىي تېما قىلىپ، شىنجاڭدىكى ئەنئەنىۋىي ئۇسسۇل مەدەنىيىتىنى راۋاجلاندۇرۇپ، شىنجاڭ ئىجابىي ئېنېرگىيەسىنى كەڭ تارقاتتى.
مۇھەررىر:ت. ئا.ئەركمان
مەنبە: خەلق تورى