شى جىنپىڭ شاڭخەي ۋەكىللىرى ئۆمىكىنىڭ مۇھاكىمىسىگە قاتناشقاندا، جۇڭگو شاڭخەي ئەركىن سودا سىناق رايونىنىڭ قۇرۇلۇشىنى ئىلگىرى سۈرۈپ، ئالاھىدە چوڭ شەھەرلەرنى ئىجتىمائىي باشقۇرۇشنى كۈچەيتىش ۋە ئىجتىمائىي باشقۇرۇشتا يىڭىلىق يارىتىشنى تەكىتلىدى(4)

2014.03.06 15:38   مەنبە: خەلق تورى

　　خەلق تورى ئۇيغۇرچە قانىلىنىڭ 6-مارت بېيجىڭدىن بەرگەن خەۋىرى: ج ك پ مەركىزىي كومىتېتىنىڭ شۇجىسى، دۆلەت رەئىسى، مەركىزىي ھەربىي ئىشلار كومىتېتىنىڭ رەئىسى شى جىنپىڭ، 12-نۆۋەتلىك مەملىكەتلىك خەلق قۇرۇلتىيىنىڭ 2-يىغىنىدىكى شاڭخەي ۋەكىللەر ئۆمىكىنىڭ مۇزاكىرىسىگە قاتناشتى. شىنخۇا ئاگېنتلىقىنىڭ مۇخبىرى ۋاڭ يې فوتوسى

　　ج ك پ مەركىزىي كومىتېتىنىڭ شۇجىسى، دۆلەت رەئىسى، مەركىزىي ھەربىي ئىشلار كومىتېتىنىڭ رەئىسى شى جىنپىڭ 5-مارت چۈشتىن كېيىن، ئۆزى قاتناشقان 12-نۆۋەتلىك مەملىكەتلىك خەلق قۇرۇلتىيىنىڭ 2-يىغىنىدىكى شاڭخەي ۋەكىللەر ئۆمىكىنىڭ مۇزاكىرىسىدە تەكىتلەپ، كەسكىن رىقابەتتە غەلىبە تىرىشقانلارغا مەنسۇپ، دېدى. شى جىنپىڭ شاڭخەيدىكى يولداشلارنىڭ بۇرچىنى ئېسىدە چىڭ ساقلاپ، كۆپچىلىكنىڭ ئۈمىدىنى يەردە قويماي، غەيرەت ئۈستىگە غەيرەت قوشۇپ، ئىسلاھات ئېچىۋىتىشتە مەملىكەت بويىچە باشلامچى ۋە پەن-تېخنىكا تەرەققىياتىدىكى ياخشى ئۈلگە بولۇشىنى، شۇنداقلا جۇڭگو شاڭخەي ئەركىن سودا سىناق رايونىنىڭ قۇرۇلۇشىنى تېزلىتىپ، ئالاھىدە چوڭ شەھەر ئالاھىدىلىكىگە ۋە قانۇنىيىتىگە ماس كېلىدىغان ئىجتىمائىي باشقۇرۇش تۈزۈمىنىڭ يېڭى يولىنى بەرپا قىلىشىنى ئۈمىد قىلدى.

مەنبە: خەلق تورى