كورىيە بىلەن ئامېرىكا بىرلەشمە ھاۋا مەشىقى ئۆتكۈزدى

　　شۇ جاي ۋاقتى 2-چېسلا سەھەردە، كورىيە بىرلەشمە ئاگېنتلىقىنىڭ خەۋىرىگە قارىغاندا، كورىيە بىلەن ئامېرىكا 1-چېسلا يېرىم ئارالنىڭ غەربىي قىسمىدىكى دېڭىز ھاۋا بوشلۇقىدا بىرلەشمە مەشىق ئېلىپ بارغان، ئامېرىكا ئارمىيەسى B-1B، F-35B ۋە F-22 قاتارلىق ئايروپىلانلارنى قاتناشتۇرغان.

　　1-ئاينىڭ 31-كۈنى چۈشتىن كېيىن، ئامېرىكا دۆلەت مۇداپىئە مىنىستىرى ئائۇستىن بىلەن كورىيە دۆلەت مۇداپىئە مىنىستىرى لى جۇڭشيې كورىيەنىڭ سېئولدا ئۇچراشقان، ئىككى تەرەپ كورىيە-ئامېرىكا ئوتتۇرىسىدىكى بىرلەشمە ھەربىي مانېۋىرنىڭ كۆلىمىنى كېڭەيتىش ھەمدە ھەربىي مانېۋىر سەۋىيەسىنى ئۆستۈرۈشنى مەسلىھەتلەشكەن.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى