ئۈرۈمچى شەھىرى ھەر قايسى پارچە سېتىش دورا دۇكانلىرىنىڭ باش مۇلازىمەت تېلېفونىنى ئېلان قىلدى

　　خەلق تورى ئۇيغۇرچە قانىلىنىڭ 10-ئاينىڭ 11-كۈنى بېيجىڭدىن بەرگەن تېلېگراممىسى: 10-ئاينىڭ 9-كۈنى كەچتە، ئۈرۈمچى شەھەرلىك خەلق ھۆكۈمىتى ئاخبارات ئىشخانىسى يېڭى تىپتىكى تاجسىمان ۋىرۇسلۇق ئۆپكە ياللۇغى يۇقۇمىنىڭ ئالدىنى ئېلىش-تىزگىنلەش خىزمىتى ئاخبارات ئېلان قىلىش يىغىنى ئاچتى. يىغىندا ئۈرۈمچى شەھەرلىك بازار نازارەت قىلىش-باشقۇرۇش ئىدارىسىنىڭ مۇئاۋىن باشلىقى جاڭ پېڭچېڭ مۇخبىرلارنىڭ سوئالىغا جاۋاب بەردى.

　　ھازىرغا قەدەر، ئۈرۈمچى شەھىرىدە نورمال تىجارەت قىلىدىغان پارچە سېتىش دورا دۇكىنىدىن 749ى بار، يۇقۇمنىڭ ئالدىنى ئېلىش-تىزگىنلەش ۋەزىيىتىنىڭ ئۆزگىرىشىگە ئەگىشىپ، نورمال تىجارەت قىلىدىغان پارچە سېتىش دورا دۇكانلىرىنىڭ سانىمۇ شۇنىڭغا ئەگىشىپ ئۆزگىرىدۇ، كونكرېت تىزىملىكنى ئۈرۈمچى شەھەرلىك بازار نازارەت قىلىش-باشقۇرۇش ئىدارىسىنىڭ ئورگان تەرەپ دوۋيىن ھېسابات نومۇرى (94109179242)دىن كۆرۈڭ، ئۈرۈمچى شەھەرلىك بازار نازارەت قىلىش-باشقۇرۇش ئىدارىسى نورمال تىجارەت قىلىدىغان دورا دۇكانلىرىنىڭ ئۇچۇرىنى ۋاقتىدا يېڭىلايدۇ.

　　ئامما ياكى مەھەللە خىزمەتچىلىرى (ۋاكالىتەن) دورا سېتىۋالغاندا «ماسكا تاقاش، بىر مېتىر ئارىلىق ساقلاش، بەدەن تېمپېراتۇرىسىنى ئۆلچەش، كودنى سكاننېرلاش، كودنى تەكشۈرۈش» قاتارلىق تەدبىرلەرنى ئەمەلىيلەشتۈرۈشى كېرەك؛ «بەش خىل دورا» سېتىۋالغاندا رېتسېپلىق دورىلار رېتسېپقا (ئېلېكتىرونلۇق رېتسېپنىمۇ ئۆز ئىچىگە ئالىدۇ) ئاساسەن سېتىلىدۇ، ۋاكالىتەن سېتىۋالغۇچىلار ئىمزا قويۇپ جەزملەشتۈرۈشى ھەم ئالاقىلىشىش ئۇسۇلىنى قالدۇرۇپ قويۇشى كېرەك، پارچە سېتىش دورا دۇكانلىرى «ئۈرۈمچى شەھىرىدىكى نۇقتىلىق دورىلارنى سېتىشتىكى ھەقىقىي ئىسىم تۈزۈمى بويىچە مەنبەسىنى تەكشۈرۈش سۇپىسى»غا دورا سېتىۋالغۇچىلارنىڭ ئالاقىدار ئۇچۇرلىرىنى ۋاقتىدا توغرا كىرگۈزىدۇ، زۆرۈر تېپىلغاندا دورا سېتىۋالغۇچىلارغا ئانتىگېن تەكشۈرۈشىنى قانات يايدۇرسا بولىدۇ.

　　شۇنىڭ بىلەن بىللە، شەھەر ئاھالىلىرى ئەگەر ئالاھىدە ئېھتىياج ياكى دورا سېتىۋېلىش مەسىلىسى بولسا، ھەرقايسى پارچە سېتىش دورا دۇكانلىرىنىڭ باش ئىشتابىغا تېلېفون قىلىپ، مۇلازىمەت تېلېفونى ئارقىلىق مەسلىھەت سورىسا بولىدۇ: دۆلەت دورىگەرلىك پاي كونترول شىركىتى دۆلەت دورىخانىسى شىنجاڭ شىنتې زەنجىرسىمان دورىگەرلىك چەكلىك مەسئۇلىيەت شىركىتى: 4666511، 4663292؛ شىنجاڭ پۇجىتاڭ تېببىي دورا زەنجىرسىمان پارچە سېتىش چەكلىك شىركىتى: 4008961211؛ شىنجاڭ جىكاڭ داۋالاش ۋە دورىگەرلىك زەنجىرسىمان سېتىش چەكلىك مەسئۇلىيەت شىركىتى 6215632؛ شىنجاڭ بەيساۋتاڭ داۋالاش ۋە دورىگەرلىك زەنجىرسىمان سېتىش چەكلىك مەسئۇلىيەت شىركىتى: 7626800.

　　كۆرۈپ بېكىتكۈچى: ياسىن قادىر

　　مەنبە: خەلق تورى