ئۈرۈمچى ئاھالىسى يېقىلغۇ گازنىڭ ئېشىنچا مىقدارى يېتىشمىسە مۇنداق سېتىۋالسا بولىدۇ

　　ئۈرۈمچى شەھەرلىك خەلق ھۆكۈمىتى ئاخبارات ئىشخانىسى 9-ئۆكتەبىر كەچتە يېڭى تىپتىكى تاجسىمان ۋىرۇسلۇق ئۆپكە ياللۇغىنىڭ ئالدىنى ئېلىش-تىزگىنلەش خىزمىتى ئاخبارات ئېلان قىلىش يىغىنى ئاچتى. يىغىندا ئۈرۈمچى شەھەرلىك خەلق ھۆكۈمىتىنىڭ مۇئاۋىن باش كاتىپى ليۇ چيەن مۇخبىرلارنىڭ سوئالىغا جاۋاب بەردى.ئۆيدە تۇرغان مەزگىلدە، ئەگەر يېقىلغۇ گازنىڭ ئېشىنچا مىقدارى يېتىشمىسە، تۆۋەندىكى ئۇسۇللار ئارقىلىق سېتىۋالسا بولىدۇ.

　　بىرىنچى، توردا گاز سېتىۋېلىش. شىنجاڭ يېقىلغۇ گاز گۇرۇھى ئابونتلىرى شىنرەنكۆك چىش قىممەت چىقىمدانى، ئۈرۈمچى بانكىسى قار لەيلىسى قىممەت تولۇقلىغۇچىسى، تېلېگراف ITV ئارقىلىق ئۆيدىن چىقماي تۇرۇپلا گاز سېتىۋالالايدۇ، شىنتەي ئەشيا تورى جەدۋىلىدىكى ئابونتلار «شىنجاڭ شىنتەي تەبىئىي گاز پاي چەكلىك شىركىتى» APPسىغا قوشۇلۇش ئارقىلىق مىچۈەن شىنتەي يېقىلغۇ گاز چەكلىك مەسئۇلىيەت شىركىتىدىن گاز سېتىۋالسا بولىدۇ، پۇل تۆلەش جەريانىدا كوئېنلۇن ئېنېرگىيە مۇلازىمىتىنى ئىزدەپ، ئۈرۈمچى شەھىرى مىچۈەن-دۇڭشەن رايونى جۇڭگو نېفىتى كوئېنلۇن شىنتەي يېقىلغۇ گاز چەكلىك شىركىتىنى تاللاپ گاز سېتىۋالسىمۇ بولىدۇ.

　　ئىككىنچى، مەھەللە ۋاكالىتەن تولۇقلاش. ئابونتلار مەھەللە خىزمەتچىلىرى ياكى پىدائىيلار بىلەن ئالاقىلىشىپ ئۇلارنىڭ ياردىمىدە گاز سېتىۋالسا بولىدۇ، ئاساسىي شەھەر رايونىدىكى شىنجاڭ يېقىلغۇ گاز گۇرۇھى ۋە شىنتەي يېقىلغۇ گاز تىجارەت زالى نورمال تىجارەت قىلىدۇ، تىجارەت ۋاقتى ھەر كۈنى سائەت 10 دىن 18 گىچە بولىدۇ، شىنرەن ئابونتلىرى يەنە ئۈرۈمچى بانكىسىنىڭ ھەر قايسى تىجارەت تور نۇقتىلىرى بىر گەۋدىلەشكەن ئاپتوماتىك تېرمىنالىدىن گاز سېتىۋالسا بولىدۇ، شىنتەي IC كارتىسى ئابونتلىرى قۇرۇلۇش بانكىسىدىن 24 سائەت ئاپتوماتىك گاز سېتىۋالسا بولىدۇ.

　　ئۈچىنچى، جىددىي گاز سېتىۋېلىش. شىنجاڭ يېقىلغۇ گاز گۇرۇھى ئابونتلىرى (ئاساسلىق شەھەر رايونى) 24 سائەتلىك يېقىلغۇ گاز مۇلازىمەت قىزىق لىنىيەسى 96517 گە تېلېفون قىلسا بولىدۇ، شىنتەي يېقىلغۇ گاز ئابونتلىرى (مىچۈەن-دۇڭشەن رايونى) 24 سائەتلىك يېقىلغۇ گاز مۇلازىمەت قىزىق لىنىيەسى 3314396-0991 غا تېلېفون قىلىپ، گاز مىقدارى 10 كۇب مېتىرغا يەتمەيدىغان يېقىلغۇ گاز ئابونتلىرى ۋە ئىگە-چاقىسىز ياشانغانلار قاتارلىق ئالاھىدە كىشىلەر توپى 24 سائەتلىك مۇلازىمەت قىزىق لىنىيەسىگە تېلېفون قىلىپ ئالدىن تىزىملىسا بولىدۇ، يېقىلغۇ گاز كارخانىلىرى دىجورنى خادىملارنى ئىككىنچى دەرىجىلىك مۇھاپىزەت قىلىپ ئولتۇراق رايوننىڭ دەرۋازىسى ئالدىغا بېرىپ، مەھەللە كادىرلىرىنىڭ ئورۇنلاشتۇرۇشى بىلەن ئاھالىلەرنىڭ جىددىي گاز سېتىۋېلىشىغا ياردەم بېرىدۇ.

　　ئۇنىڭدىن باشقا، سۇيۇقلاندۇرۇلغان گاز ئىشلەتكۈچىلەرنى ھەر قايسى رايونلاردىكى گاز يەتكۈزگۈچىلەر (ئىككىنچى دەرىجىلىك مۇداپىئە كىيىمى كىيگەن ھالدا) ئولتۇراق رايونغا ئاپىرىپ بەلگىلىمە بويىچە دېزىنفېكسىيە قىلىدۇ، مەھەللە پىدائىيلىرى ياردەم قىلىپ ئىشلەتكۈچىلەرگە يەتكۈزۈپ بېرىدۇ، ئەگەر سوئالىڭىز بولسا، جۇڭگو نېفىت گۇرۇھى كوئېنلۇن سۇيۇقلاندۇرۇلغان گاز شىركىتىنىڭ مۇلازىمەتنى نازارەت قىلىش تېلېفونى 6279777-0991 گە تېلېفون قىلسىڭىز بولىدۇ.

　　ئاھالىلەر تەبىئىي گاز ئىشلىتىشتە كاشىلا كۆرۈلگەندە، يېڭى يېقىلغۇ گاز ئىشلەتكۈچىلەر 96517 گە، شىنتەي گازى ئىشلەتكۈچىلەر 3314396-0991 غا تېلېفون قىلىپ مەسلىھەت سورىسا ۋە كاشىلىنى رېمونت قىلىشنى مەلۇم قىلسا بولىدۇ، يېقىلغۇ گاز كارخانىلىرى كەسپىي رېمونتچىلارنى ئورۇنلاشتۇرۇپ، مۇداپىئە تەدبىرلىرىنى ياخشى ئىشلەش ئالدىنقى شەرتى ئاستىدا، رېمونت قىلىش مۇلازىمىتىنى تەمىنلەپ، كاشىلىنىڭ ۋاقتىدا بىر تەرەپ قىلىنىشىغا كاپالەتلىك قىلىدۇ. ئۈرۈمچى شەھەرلىك يېقىلغۇ گاز ۋە پار بىلەن تەمىنلەشكە كاپالەتلىك قىلىش مۇلازىمەت مەركىزى ھەر قايسى يېقىلغۇ گاز كارخانىلىرىنىڭ مۇلازىمىتىنى نازارەت قىلىدۇ، ئەگەر ئاھالىلەر مەسىلە ئىنكاس قىلسا ياكى ئەرز قىلسا، نازارەت قىلىش تېلېفونى 0991-2811532 گە تېلېفون قىلسا بولىدۇ.


كۆرۈپ بېكىتكۈچى: تۇرغۇن ئابلىز
　　مەنبە: خەلق تورى