ئاكادېمىك تاڭ يوۋچى ۋاپات بولدى

　　ئېلىمىزنىڭ داڭلىق خىمىيە ئالىمى، مائارىپشۇناس، جۇڭگو پەنلەر ئاكادېمىيەسىنىڭ ئاكادېمىكى، جۇڭگو كىرىستال ۋە قۇرۇلما خىمىيەسىگە ئاساس سالغۇچىلارنىڭ بىرى، بېيجىڭ داشۆسى خىمىيە ۋە مولېكۇلا قۇرۇلۇشى شۆيۈەنىنىڭ پىروفېسسورى، جۇڭگو كوممۇنىستىك پارتىيەسىنىڭ ئەزاسى تاڭ يوۋچى ئەپەندى كېسەل سەۋەبىدىن 2022-يىل 11-ئاينىڭ 8-كۈنى بېيجىڭدا 103 يېشىدا ۋاپات بولدى.

　　ئاكادېمىك تاڭ يوۋچى ئېلىمىزنىڭ كىرىستال خىمىيە تەتقىقاتىنى بارلىققا كەلتۈرۈپ، ئىنسۇلىننىڭ كىرىستال قۇرۇلمىسىنى ئۆلچەپ بېكىتىش، ئوكسىدلىق يۇقىرى تېمپېراتۇرىلىق ئۇلترا ئۆتكۈزگۈچ قاتارلىق نۇرغۇن مۇھىم سىستېمىلارنىڭ قۇرۇلما تەتقىقاتىغا مۇھىم تۆھپە قوشۇپ، ئىستىخىيەلىك يەككە قەۋەتلىك تارقاقلاشتۇرۇش نەزەرىيەسىنى ئوتتۇرىغا قويۇپ، ھەمكارلاشقۇچىلار بىلەن بىرلىكتە ئۇزاق مۇددەتلىك سىستېمىلىق تەتقىقاتنى قانات يايدۇدى. ئۇنىڭ ئىستىخىيەلىك يەككە قەۋەتلىك تارقاقلاشتۇرۇش پىرىنسىپى يۇقىرى ئۈنۈملۈك كاتالىزاتور، ئادسورپسىيەلىگۈچى رېئاكتىۋ قاتارلىق ئىقتىدار سىستېمىسىنى تەتقىق قىلىپ ياساشتا مۇھىم يېتەكچىلىك رولىنى ئويناپ، مولېكۇلا قۇرۇلۇش ئىلمىنى بەرپا قىلىپ، ئېلىمىزنىڭ خىمىيە ۋە بىئولوگىيە گىرەلەشمە پەنلىرى تەرەققىياتىنى ئىلگىرى سۈردى.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى