13- نۆۋەتلىك مەملىكەتلىك خەلق قۇرۇلتىيى دائىمىي كومىتېتى 129 - قېتىملىق كومىتېت باشلىقلىرى يىغىنى ئۆتكۈزدى

　　13-نۆۋەتلىك مەملىكەتلىك خەلق قۇرۇلتىيى دائىمىي كومىتېتىنىڭ 129 - قېتىملىق كومىتېت باشلىقلىرى يىغىنى 9- چېسلا چۈشتىن بۇرۇن بېيجىڭ خەلق سارىيىدا ئۆتكۈزۈلدى. كومىتېت باشلىقى لى جەنشۇ يىغىنغا رىياسەتچىلىك قىلدى.

　　يىغىندا مەملىكەتلىك خەلق قۇرۇلتىيى ئاساسىي قانۇن ۋە قانۇن كومىتېتىنىڭ مۇدىر ئەزاسى لى فېينىڭ ياۋايى ھايۋانلارنى قوغداش قانۇنىغا تۈزىتىش كىرگۈزۈش لايىھەسىدىكى ئاساسلىق مەسىلىلەرگە تۈزىتىش كىرگۈزۈش ئەھۋالى توغرىسىدىكى دوكلاتى، زاپاس ھەربىيلەر قانۇنى لايىھەسىدىكى ئاساسلىق مەسىلىلەرگە تۈزىتىش كىرگۈزۈش ئەھۋالى توغرىسىدىكى دوكلاتى ئاڭلاپ ئۆتۈلدى.

　　كومىتېت باشلىقلىرى يىغىنى تەركىبىدىكىلەر يۇقىرىقى قانۇن لايىھەسىنى قاراپ چىقتى. يىغىندا مۇنۇلار تەلەپ قىلىندى: ھەرقايسى تەرەپلەرنىڭ يۇقىرىقى قانۇن لايىھەسى توغرىسىدىكى پىكىر - تەكلىپلىرىنى يەنىمۇ كەڭ دائىرىدە ئاڭلاپ، تۈزىتىش كىرگۈزۈپ مۇكەممەللەشتۈرۈش خىزمىتىنى ياخشى ئىشلەش كېرەك.

　　مەملىكەتلىك خەلق قۇرۇلتىيى دائىمىي كومىتېتىنىڭ مۇئاۋىن باشلىقلىرىدىن ۋاڭ چېن، ساۋ جيەنمىڭ، جاڭ چۈنشيەن، شېن يۆيۆ، جى بىڭشۈەن، ۋەن ئېشياڭ، ۋاڭ دۇڭمىڭ، بەيما چىلىن، دىڭ جۇڭلى، خاۋ مىڭجىن، سەي دافېڭ، ۋۇ ۋېيخۇا، باش كاتىپ ياڭ جېنۋۇ يىغىنغا قاتناشتى.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى