ئۈرۈمچى يەنە ئۈچ ئاي قامال قىلىنىدۇ؟ پىتنە-ئىغۋا!

　　خەلق تورى ئۇيغۇرچە قانىلىنىڭ 11-ئاينىڭ 7-كۈنى بېيجىڭدىن بەرگەن تېلېگراممىسى: «ئۈرۈمچى توردا پاش قىلىش» سۇپىسىنىڭ خەۋىرىگە قارىغاندا، 11-ئاينىڭ 5-كۈنى مەلۇم تور ئەھلى مىكرو بىلوگ، دوۋيىن، ئۈندىدار توپى قاتارلىق سۇپىلاردا «يەنە ئۈچ ئاي قامال قىلىنىدۇ، دېيىشىۋاتىدۇ، راسمىدۇ؟ ھۆكۈمەت تەرەپ جاۋاب بېرىڭلار»، «ئۈرۈمچى شەھىرى قامال قىلىنغىلى ئۈچ ئاي بولاي دېدى، چېكىگە يەتتۇق، يەنە قانچىلىك ۋاقىت قامال قىلىنىمىز؟»، «ئۈچ ئايلىق ماددىي ئەشيالارنى سېتىۋالدىم، ئۈچ ئاي راست قامال قىلىنىشى راست ئىكەن» دېگەندەك ئۇچۇرلارنى تارقاتقان بولۇپ، بىر قىسىم تور ئەھلىنى ئەندىشىگە سالدى.

　　ئالاقىدار تارماقلار تەكشۈرۈپ ئېنىقلاش ئارقىلىق بۇنىڭ تور پىتنە-ئىغۋاسى ئىكەنلىكىنى بىلدۈردى، كەڭ تور ئەھلىنىڭ ھۆكۈمەت تەرەپ ئۇچۇرىغا ھەر ۋاقىت دىققەت قىلىپ، تور پىتنە-ئىغۋالىرىغا ئېھتىياتچانلىق بىلەن مۇئامىلە قىلىپ، ئىغۋاغا ئىشەنمەسلىك، ئىغۋا تارقاتماسلىق، ئىغۋا توقۇماسلىقىنى سورايمىز!

　　كۆرۈپ بېكىتكۈچى: ياسىن قادىر

　　مەنبە: خەلق تورى