جۇڭگو كوممۇنىستىك پارتىيەسى 20-نۆۋەتلىك مەركىزىي ئىنتىزام تەكشۈرۈش كومىتېتى 1-ئومۇمىي يىغىنىنىڭ ئاخباراتى

　　(2022-يىل 10-ئاينىڭ 23-كۈنى جۇڭگو كوممۇنىستىك پارتىيەسى 20- نۆۋەتلىك مەركىزىي ئىنتىزام تەكشۈرۈش كومىتېتىنىڭ 1-ئومۇمىي يىغىنىدا ماقۇللاندى)

　　جۇڭگو كوممۇنىستىك پارتىيەسىنىڭ مەملىكەتلىك 20-قۇرۇلتىيىدا سايلام ئارقىلىق ۋۇجۇدقا كەلگەن مەركىزىي ئىنتىزام تەكشۈرۈش كومىتېتى 2022-يىل 10-ئاينىڭ 23-كۈنى بېيجىڭدا 1-ئومۇمىي يىغىن ئۆتكۈزدى. يولداش لى شى يىغىنغا رىياسەتچىلىك قىلدى.

　　مەركىزىي ئىنتىزام تەكشۈرۈش كومىتېتىنىڭ ئەزاسى 133، ئەمەلىي قاتناشقىنى 132. ئومۇمىي يىغىندا مەركىزىي ئىنتىزام تەكشۈرۈش كومىتېتىنىڭ شۇجىسى، مۇئاۋىن شۇجىلىرى ۋە دائىمىي كومىتېت ئەزالىرى سايلاپ چىقىلىپ، مەركىزىي كومىتېتنىڭ تەستىقلىشىغا سۇنۇلدى.

　　يىغىنغا قاتناشقان يولداشلار جۇڭگو كوممۇنىستىك پارتىيەسى 20-نۆۋەتلىك مەركىزىي كومىتېتىنىڭ 1-ئومۇمىي يىغىنىغا سىرتتىن قاتناشتى.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى