ۋەدە ئەمەلگە ئاشتى! جايلاردىكى مەجبۇرىيەت مائارىپى ئوقۇتقۇچىلىرىنىڭ ئوتتۇرىچە مائاشى مەمۇرلارنىڭكىدىن تۆۋەنبولمايدۇ

　　خەلق تورى ئۇيغۇرچە قانىلىنىڭ 2 - سېنتەبر بېيجىڭدىن بەرگەن تېلېگراممىسى: 9-ئاينىڭ 1-كۈنى چۈشتىن بۇرۇن ئۆتكۈزۈلگەن مائارىپ مىنىستىرلىقىنىڭ ئاخبارات ئېلان قىلىش يىغىنىدا، گوۋۇيۈەن مائارىپ تەپتىشلىكى كومىتېتى ئىشخانىسىنىڭ مۇدىرى، مائارىپ مىنىستىرلىقى مائارىپ تەپتىشلىكى ئىدارىسىنىڭ باشلىقى تيەن زۇيىن مۇنداق دېدى:2020-يىلى مەملىكەتبويىچە 2846 رايون ۋە ناھىيە«مەجبۇرىيەت مائارىپى باسقۇچىدىكى ئوقۇتقۇچىلارنىڭ ئوتتۇرىچە مائاش كىرىم سەۋىيەسى شۇ جايدىكى مەمۇرلارنىڭكىدىن تۆۋەن بولماسلىق» نىشانىنى ئىشقا ئاشۇرۇشقاۋەدە بەردى.پۈتۈن مەملىكەتتىكى 2846 رايون ۋە ناھىيە«تۆۋەن بولماسلىق» نىشانىنى ئىشقا ئاشۇرۇشقا رەسمىيۋەدە بەردى، بۇ مەجبۇرىيەت مائارىپى قانۇنى ۋە ئوقۇتقۇچىلار قانۇنى ئېلان قىلىنىپ يولغا قويۇلغاندىن بۇيان، خامچوت ئورۇنلاشتۇرۇشباسقۇچىدا، پۈتۈن مەملىكەتتىكىبارلىق رايون ۋە ناھىيەلەر«تۆۋەن بولماسلىق» نىشانىنى ئىشقا ئاشۇرۇشى ھېسابلىنىدۇ. ئەڭ يېڭى تەكشۈرۈش ۋە يېتەكچىلىك قىلىش ئەھۋالىغا ئاساسەن، ھازىرغا قەدەر جايلار بۇۋەدىنى ئەمەلىيلەشتۈرۈپ، ئوقۇتقۇچىلارنىڭ مائاش خىراجىتىگە كاپالەتلىك قىلىشنىڭ ئۇزاق ئۈنۈملۈك مېخانىزمى ۋە مەجبۇرىيەت مائارىپى باسقۇچىدىكى ئوقۇتقۇچىلارنىڭ مائاش كىرىمىنى شۇ جايدىكى مەمۇرلارنىڭ تەمىناتىغا ئەگىشىپ تەڭشەشتىن ئىبارەت بىرلەشمە ھەرىكەت مېخانىزمىنى رەسمىي ئورناتتى.

　　تيەن زۇيىن مۇنۇلارنى بىلدۈردى: بۇ يىل گوۋۇيۈەن مائارىپ تەپتىشلىكى كومىتېتى ئىشخانىسى «ئىككىنى ئازايتىش»(يەنى مەجبۇرىيەت مائارىپى باسقۇچىدىكى ئوقۇغۇچىلارنىڭ تاپشۇرۇق يۈكى ۋە مەكتەپ سىرتىدىكى تەربىيەلەش يۈكىنى يېنىكلىتىش) ۋە «بەش تۈرلۈك باشقۇرۇش» (يەنى يان تېلېفون، ئۇيقۇ، ئوقۇشلۇق،تاپشۇرۇق ۋە بەدەن ساپاسىنى باشقۇرۇش)نى نازارەت قىلىش ۋە يېتەكلەشنى «1-نومۇرلۇق قۇرۇلۇش» قىلىپ، نازارەت قىلىش نۇقتىسىدىن ئۈزلۈكسىز كۈچەپ، ئەمەلىيلەشتۈرۈشنى ئىلگىرى سۈردى. بىرىنچىدىن، مەسئۇلىيەتنازارەتچىسىنىڭ كۈندىلىك نازارەت قىلىش ۋە يېتەكلەش خىزمىتىگە كىرگۈزۈش؛ ئىككىنچىدىن، دۆلەتمائارىپ نازارەتچىلىكى تەشكىللەپ، گىرەلەشمە تەكشۈرۈشنى قانات يايدۇرۇش؛ ئۈچىنچىدىن، نۇقتىلىق ئىشلارنى ھەر يېرىم ئايدا ئومۇمىي ئۇقتۇرۇش قىلىش تۈزۈمىنى ئورنىتىپ، قاتلاممۇقاتلام بېسىم بېرىپ، مەسئۇلىيەتنى چىڭىتىش قاتارلىقلار. ئەمەلىيلەشتۈرۈشكە تېگىشلىكلىرى ۋە ئەمەلىيلەشتۈرۈشكە بولىدىغانلىرىنى ئەمەلىيلەشتۈرمىسە، بىۋاسىتە ئاشكارىلاپ، جاۋابكارلىقى سۈرۈشتە قىلىنىدۇ.مۇخبىرنىڭ ئاخبارات ئېلان قىلىش يىغىنىدىن ئىگىلىشىچە،«مائارىپ تەپتىشلىكى بويىچە جاۋابكارلىقنى سۈرۈشتۈرۈش چارىسى» بۇ يىل 9-ئاينىڭ 1-كۈنىدىن باشلاپ رەسمىي يولغا قويۇلغان بولۇپ، بۇ يېڭى جۇڭگو تارىخىدا تۇنجى قېتىم ئوتتۇرىغا قويۇلغان مائارىپ تەپتىشلىكى بويىچە جاۋابكارلىقنى سۈرۈشتۈرۈش ھۆججىتى. پارتىيەنىڭ مائارىپ فاڭجېنى ۋە پارتىيە مەركىزىي كومىتېتى، گوۋۇيۈەننىڭ مائارىپ تەدبىر-ئورۇنلاشتۇرمىلىرىنى ئىزچىللاشتۇرۇش قەتئىي ۋە ئۈزۈل-كېسىل بولماسلىق، مائارىپ مەسئۇلىيىتىنى ئادا قىلىش جايىدا بولماسلىق، مائارىپ ئۆتكىلىگە ھۇجۇم قىلىش ۋەزىپىسىنى تاماملاش ئېغىر دەرىجىدە ئارقىدا قېلىش، مەكتەپ باشقۇرۇشى قېلىپلاشماسلىق، ئوقۇ-ئوقۇتۇش سۈپىتى تۆۋەنلەش، بىخەتەرلىك مەسىلىسى بىر قەدەر كۆپ بولۇش ياكى مائارىپ تەپتىشلىكىنى قوبۇل قىلماسلىقتىن ئىبارەت ئالتە تۈرلۈك ئەھۋالنىڭ جاۋابكارلىقى سۈرۈشتۈرۈلىدۇ.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى