شى جىنپىڭ ۋىيېتنامنىڭ يېڭىدىن ۋەزىپىگە ئولتۇرغان دۆلەت رەئىسى ۋۇ ۋېنشاڭغا تەبرىك تېلېگراممىسى ئەۋەتتى

　　3 - ئاينىڭ 2 - كۈنى، دۆلەت رەئىسى شى جىنپىڭ ۋۇ ۋېنشاڭغا تېلېگرامما ئەۋەتىپ، ئۇنىڭ ۋىيېتنام سوتسىيالىستىك جۇمھۇرىيىتىنىڭ رەئىسى بولغانلىقىنى تەبرىكلىدى.

　　شى جىنپىڭ مۇنداق كۆرسەتتى: جۇڭگو بىلەن ۋىيېتنام تاغ - دەريالىرى تۇتاش سوتسىيالىستىك دوست قوشنا دۆلەت. بۇلتۇردىن بۇيان، مەن باش شۇجى رۇەن فۇجۇڭ بىلەن ئەنئەنىۋى دوستلۇقنى مۇستەھكەملەش، ئىستراتېگىيەلىك ئالاقىلىشىشنى كۈچەيتىش، ئۆزئارا مەنپەئەت يەتكۈزۈش ھەمكارلىقىنى چوڭقۇرلاشتۇرۇش توغرىسىدا مۇھىم ئورتاق تونۇش ھاسىل قىلىپ، يېڭى دەۋردىكى جۇڭگو - ۋىيېتنام ئومۇميۈزلۈك ئىستراتېگىيەلىك ھەمكارلىق - ھەمراھلىق مۇناسىۋىتىنىڭ تەرەققىيات ئۇلۇغۋار پىلانىنى ئورتاق تۈزۈپ چىقتۇق. مەن جۇڭگو - ۋىيېتنام مۇناسىۋىتىگە يۈكسەك ئەھمىيەت بېرىمەن، رەئىس ۋۇ ۋېنشاڭ بىلەن بىرلىكتە تىرىشىپ، ئىككى دۆلەت مۇناسىۋىتىنىڭ سىجىل، ساغلام، مۇقىم تەرەققىي قىلىشىغا، جۇڭگو بىلەن ۋىيېتنامنىڭ ئىستراتېگىيەلىك ئەھمىيەتكە ئىگە تەقدىر ئورتاق گەۋدىسىنى ئورتاق بەرپا قىلىشقا قاراپ ئۈزلۈكسىز ئىلگىرىلىشىگە تۈرتكە بولۇشنى خالايمەن.