شى جىنپىڭ تېلېگرامما ئەۋەتىپ، خىرىستودوۋلىدىسنىڭ سىپرۇس زۇڭتۇڭلۇقىغا سايلانغانلىقىنى تەبرىكلىدى

　　3 - ئاينىڭ 1 - كۈنى، دۆلەت رەئىسى شى جىنپىڭ نىكوس . خىرىستودوۋلىدىسقا تېلېگرامما ئەۋەتىپ، ئۇنىڭ سىپرۇس جۇمھۇرىيىتىنىڭ زۇڭتۇڭلۇقىغا سايلانغانلىقىنى تەبرىكلىدى.

　　شى جىنپىڭ مۇنداق كۆرسەتتى: ھازىر، جۇڭگو - سىپرۇس ئىستراتېگىيەلىك ھەمراھلىق مۇناسىۋىتى يۇقىرى سەۋىيەلىك تەرەققىياتنى ساقلاپ كەلمەكتە، ئىككى دۆلەتنىڭ دوستلۇقى ئۇزاق تارىخىي جەرياندا مۇستەھكەملەندى، سىياسىي جەھەتتە ئۆزئارا ئىشىنىشى سىجىل چوڭقۇرلاشتى، ھەرقايسى ساھەلەردىكى ئالماشتۇرۇش، ھەمكارلىقى كۈنسېرى قويۇقلاشتى. مەن جۇڭگو - سىپرۇس مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، زۇڭتۇڭ خىرىستودوۋلىدىس بىلەن بىرلىكتە تىرىشىپ، جۇڭگو - سىپرۇس ئىستراتېگىيەلىك ھەمراھلىق مۇناسىۋىتىدە تېخىمۇ كۆپ نەتىجىلەرنى قولغا كەلتۈرۈشكە تۈرتكە بولۇپ، ئىككى دۆلەت خەلقلىرىگە تېخىمۇ ياخشى بەخت يارىتىشنى خالايمەن.