شى جىنپىڭ ئامېرىكا - جۇڭگو مۇناسىۋىتى مەملىكەتلىك كومىتېتىنىڭ يىللىق كەچلىك زىياپىتىگە تەبرىك خېتى ئەۋەتتى

　　10 - ئاينىڭ 26 - كۈنى، دۆلەت رەئىسى شى جىنپىڭ ئامېرىكا - جۇڭگو مۇناسىۋىتى مەملىكەتلىك كومىتېتىنىڭ يىللىق مۇكاپات تارقىتىش كەچلىك زىياپىتىگە تەبرىك خېتى ئەۋەتتى.

　　شى جىنپىڭ ئامېرىكا - جۇڭگو مۇناسىۋىتى مەملىكەتلىك كومىتېتى مۇدىرىيىتىنىڭ مۇئاۋىن رەئىسى، ئەندا گۇرۇھىنىڭ باش مۇدىرى ئىۋان گرىنبېرگنىڭ مۇكاپاتقا ئېرىشكەنلىكىنى تەبرىكلىدى، كومىتېت ۋە ئۇنىڭ ئەزالىرىنىڭ ئىزچىل تۈردە جۇڭگو - ئامېرىكا مۇناسىۋىتىنىڭ تەرەققىياتى ۋە ئىككى دۆلەتنىڭ ھەرقايسى ساھەلەردىكى ئالماشتۇرۇشى، ھەمكارلىقىنى پائال ئىلگىرى سۈرگەنلىكىنى تەرىپلىدى.

　　شى جىنپىڭ مۇنداق كۆرسەتتى: بۈگۈنكى دۇنيا ھەم خاتىرجەم ئەمەس، شۇنداقلا تىنچ ئەمەس. جۇڭگو بىلەن ئامېرىكا چوڭ دۆلەت بولۇش سۈپىتى بىلەن، ئىككى تەرەپنىڭ ئالاقە ۋە ھەمكارلىقنى كۈچەيتىشى دۇنيانىڭ مۇقىملىقى ۋە ئېنىقلىقىنى ئاشۇرۇشىغا تۈرتكە بولۇشقا پايدىلىق، دۇنيانىڭ تىنچلىقى ۋە تەرەققىياتىغا تۈرتكە بولۇشقا پايدىلىق. جۇڭگو تەرەپ ئامېرىكا تەرەپ بىلەن بىرلىكتە تىرىشىپ، ئۆزئارا ھۆرمەت قىلىپ، تىنچ بىللە ئۆتۈپ، ھەمكارلىشىپ ئورتاق پايدا ئېلىپ، يېڭى دەۋردە جۇڭگو بىلەن ئامېرىكىنىڭ چىقىشىپ ئۆتۈشتىكى توغرا يولنى تېپىپ چىقىشنى خالايدۇ، بۇ، ھەم ئىككى دۆلەتكە پايدا ئېلىپ كېلىدۇ، ھەم دۇنياغا بەخت يارىتىدۇ.

　　شى جىنپىڭ ئامېرىكا - جۇڭگو مۇناسىۋىتى مەملىكەتلىك كومىتېتى ۋە جۇڭگو - ئامېرىكا مۇناسىۋىتىگە كۆڭۈل بۆلىدىغان، قوللايدىغان ھەر ساھەدىكى دوستلارنىڭ ئىجابىي رولىنى داۋاملىق جارى قىلدۇرۇپ، جۇڭگو - ئامېرىكا مۇناسىۋىتىنىڭ ساغلام، مۇقىم تەرەققىيات يولىغا قايتىشىغا كۈچ قوشۇشىنى ئۈمىد قىلدى.

　　شۇ كۈنى، ئامېرىكا زۇڭتۇڭى بايدېن ئامېرىكا - جۇڭگو مۇناسىۋىتى مەملىكەتلىك كومىتېتىنىڭ يىللىق مۇكاپات تارقىتىش كەچلىك زىياپىتىگە تەبرىك خېتى ئەۋەتتى.