شى جىنپىڭ تەبرىك تېلېگراممىسى يوللاپ، ئەنگلىيە پادىشاھى چارلىز Ⅲ نىڭ تەختكە چىققانلىقىنى تەبرىكلىدى

　　خەلق تورى ئۇيغۇرچە قانىلىنىڭ 9-ئاينىڭ 13-كۈنى بېيجىڭدىن بەرگەن تېلېگراممىسى: دۆلەت رەئىسى شى جىنپىڭ 9-ئاينىڭ 10-كۈنى ئەنگلىيە پادىشاھى چارلىز Ⅲ گە تەبرىك تېلېگراممىسى يوللاپ، چارلىز Ⅲ نىڭ تەختكە چىققانلىقىنى تەبرىكلىدى.

　　شى جىنپىڭ مۇنداق دەپ كۆرسەتتى: بۇ يىل دەل جۇڭگو بىلەن ئەنگلىيەنىڭ باش ئەلچى دەرىجىلىك دىپلوماتىك مۇناسىۋەت ئورناتقانلىقىنىڭ 50 يىللىقى، مەن پادىشاھ چارلىز Ⅲ بىلەن بىرلىكتە تىرىشىپ، ئىككى دۆلەت خەلقىنىڭ ئۆزئارا چۈشىنىشى ۋە دوستلۇقىنى ئىلگىرى سۈرۈپ، دوستانە ئالماشتۇرۇش ۋە ئۆزئارا نەپ يەتكۈزۈش ھەمكارلىقىنى كېڭەيتىپ، دۇنياۋى قارالمىلاردىكى پىكىر ئالماشتۇرۇشنى كۈچەيتىپ، ئىككى دۆلەت ۋە ئىككى دۆلەت خەلقىگە بەخت يارىتىپ، دۇنيانىڭ تىنچلىقى ۋە تەرەققىياتىغا تۆھپە قوشۇشنى خالايمەن.

　　كۆرۈپ بېكىتكۈچى: ياسىن قادىر

　　مەنبە: خەلق تورى