شى جىنپىڭ ئالبانىيەنىڭ يېڭىدىن ۋەزىپىگە ئولتۇرغان زۇڭتۇڭى بېگايغا تەبرىك تېلېگراممىسى ئەۋەتتى

　　7 - ئاينىڭ 24 - كۈنى، دۆلەت رەئىسى شى جىنپىڭ بايرام بېگايغا تېلېگرامما ئەۋەتىپ، ئۇنىڭ ئالبانىيەنىڭ زۇڭتۇڭلۇقىغا تەيىنلەنگەنلىكىنى تەبرىكلىدى.

　　شى جىنپىڭ مۇنداق كۆرسەتتى: جۇڭگو بىلەن ئالبانىيەنىڭ چوڭقۇر ئەنئەنىۋى دوستلۇقى بار. يېقىنقى يىللاردىن بۇيان، ئىككى دۆلەت «بىر بەلباغ، بىر يول»نى ئورتاق قۇرۇش ۋە جۇڭگو − ئوتتۇرا، شەرقىي ياۋروپا دۆلەتلىرى ھەمكارلىقىنى سۇپا قىلىپ، سىياسىي جەھەتتە ئۆزئارا ئىشەنچنى ئىلگىرى سۈرۈپ، سىياسەت جەھەتتە پىكىر ئالماشتۇرۇشنى كۈچەيتىپ، ئەمەلىي ھەمكارلىقنى ئالغا سىلجىتىپ، ئىككى تەرەپ مۇناسىۋىتىدە يېڭى ئىلگىرىلەشنى قولغا كەلتۈردى. مەن جۇڭگو - ئالبانىيە مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، زۇڭتۇڭ بېگاي بىلەن بىرلىكتە تىرىشىپ، ئىككى دۆلەتنىڭ ھەرقايسى ساھەلەردىكى ئالاقىسىنى چوڭقۇرلاشتۇرۇپ، ئۆزئارا مەنپەئەت يەتكۈزۈش ھەمكارلىقىنىڭ نەتىجىلىرىنى مۇستەھكەملەپ، ئىككى دۆلەت ۋە ئىككى دۆلەت خەلقلىرىگە بەخت يارىتىشنى خالايمەن.