تۇرالغۇ ۋە شەھەر-يېزا قۇرۇلۇشى مىنىستىرلىقىنىڭ مىنىستىرى: ياشلار، يېڭى شەھەر ئاھالىسىنىڭ تۇرالغۇ قىيىنچىلىقى مەسىلىسىنى نۇقتىلىق ھەل قىلىش كېرەك

　　3-ئاينىڭ 7-كۈنى چۈشتىن كېيىن، 14-نۆۋەتلىك مەملىكەتلىك خەلق قۇرۇلتىيىنىڭ 1-يىغىنى 2-قېتىملىق ئومۇمىي يىغىن ئۆتكۈزدى. يىغىن ئاخىرلاشقاندىن كېيىن، 2-مەيدان «مىنىستىرلار يولى» ئېچىلدى.

　　تۇرالغۇ ۋە شەھەر-يېزا قۇرۇلۇشى مىنىستىرلىقىنىڭ مىنىستىرى نى خۇڭ مۇنداق دېدى: ئۆي-زېمىن كەسپى ھەممىگە تەسىر كۆرسىتىدۇ. ئۆي-زېمىننى مۇقىملاشتۇرۇشتا شەھەرگە قاراپ تەدبىر قوللىنىش، دەل جايىدا تەدبىر قوللىنىش، بىر شەھەرگە بىر تەدبىر قوللىنىشتا چىڭ تۇرۇپ، زۆرۈر ۋە ياخشىلاش خاراكتېرىدىكى تۇرالغۇ ئېھتىياجىنى زور كۈچ بىلەن قوللاپ، ئىشەنچنى ئاشۇرۇپ، ئۆي-زېمىن بازىرىنىڭ جانلىنىشىنى، ساغلام تەرەققىياتىنى ئىلەىرى سۈرۈش كېرەك.

　　يەنە بىر تەرەپتىن، كاپالەتلىك ئىجارە ئۆي بىلەن تەمىنلەش ۋە ئۇزۇن مۇددەتلىك ئىجارە ئۆي قۇرۇلۇشى سالمىقىنى ئاشۇرۇپ، ياشلار، يېڭى شەھەر ئاھالىلىرىنىڭ تۇرالغۇ قىيىنچىلىقى مەسىلىسىنى نۇقتىلىق ياخشى ھەل قىلىپ، ئۇلارنى ئەركىن-ئازادە ھەم بەختلىك تۇرمۇش ئۈچۈن كۈرەش قىلىش ئىمكانىيىتىگە ئىگە قىلىش كېرەك.

　　مەركەزدىكى دۆلەت ئورگانلىرىنىڭ خادىملار ئىشتاتى ئىخچاملىنىدۇ

　　گوۋۇيۈەننىڭ گوۋۇيۈەن ئاپپارات ئىسلاھاتى لايىھەسىنى قاراپ چىقىشقا سۇنۇش توغرىسىدىكى تەكلىپىگە ئاساسەن، مەركەزدىكى دۆلەت ئورگانلىرىنىڭ خادىملار ئىشتاتى ئىخچاملىنىدۇ. مەركەزدىكى دۆلەت ئورگانلىرىنىڭ ھەرقايسى تارماقلىرىدىكى خادىملار ئىشتاتى بىر تۇتاش %5 لىك نىسبەت بويىچە ئىخچاملىنىدۇ، يىغىۋېلىنغان ئىشتات ئاساسلىقى نۇقتىلىق ساھە ۋە مۇھىم خىزمەتلەرنى كۈچەيتىشكە ئىشلىتىلىدۇ.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى