يېزا-كەنتلەرنىڭ ئومۇميۈزلۈك گۈللىنىشىنى پۇختا ئىلگىرى سۈرىمەن

　　خۇبېي ئۆلكىسى لەيفېڭ ناھىيەسى يېزا ئىگىلىك باغچىسى مېۋە - كۆكتات كەسپىي ھەمكارلىق كوپېراتىپىنىڭ مۇدىرىيەت باشلىقى، 20-قۇرۇلتاي ۋەكىلى شياڭ خۇي مۇنداق دېدى: پارتىيە 20-قۇرۇلتىيى دوكلاتىدا ئوتتۇرىغا قويۇلغان يېزا - كەنتلەرنىڭ كەسپ، ئىختىساسلار، مەدەنىيەت، ئېكولوگىيە، تەشكىلىي گۈللىنىشىنى پۇختا ئىلگىرى سۈرۈش مېنى ئىلھاملاندۇردى، ئىشەنچىم تولۇپ تاشتى. 2010-يىلى يۇرتۇمغا قايتىپ ئىگىلىك تىكلەپ ھەمكارلىق كوپېراتىپى قۇردۇم، 10 نەچچە يىلدىن بۇيان، نامراتلىقتىن قۇتۇلدۇرۇش ئۆتكىلىگە ھۇجۇم قىلىش مۇساپىسىگە گۇۋاھچى بولدۇم. ھازىر، يېزا-كەنتلەرنىڭ قاتنىشى قولايلاشتى، ھەممە ئائىلىگە تۇرۇبا سۈيى يەتكۈزۈلدى، كىشىلەر ئالاقە تورى ئىشلىتەلەيدىغان بولدى، دېھقانلارنىڭ تۇرمۇشى بارغانسېرى بەختلىك ئۆتمەكتە.

　　شياڭ خۇي يەنە كېيىنكى قەدەمدە، يېزىلارنىڭ ئۆزگىچە كەسىپلىرىنى تەرەققىي قىلدۇرۇشقا داۋاملىق كۈچ سەرپ قىلىپ، يېزىلارنى گۈللەندۈرۈشنىڭ باشلامچىلىرىدىن بولۇپ، يېزا-كەنتلەرنى تېخىمۇ گۈزەل قىلىپ قۇرۇپ چىقىپ، يېزا ئىگىلىكىنى تەرەققىيات ئىستىقبالى بار كەسىپكە، يېزىلارنى دېھقانلارنىڭ ئولتۇراقلىشىشقا، ئىگىلىك تىكلىشىگە ماس كېلىدىغان بەختلىك ماكانغا ئايلاندۇرىدىغانلىقىنى بىلدۈردى.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى