«جۇڭگو كوممۇنىستىك پارتىيەسىنىڭ 20- قېتىملىق مەملىكەتلىك قۇرۇلتىيى» خاتىرە پوچتا ماركىسى 10-ئاينىڭ 16-كۈنى تارقىتىلىدۇ

　　جۇڭگو پوچتىسى 10-ئاينىڭ 16-كۈنى «جۇڭگو كوممۇنىستىك پارتىيەسىنىڭ 20-قېتىملىق مەملىكەتلىك قۇرۇلتىيى» يۈرۈشلۈك خاتىرە پوچتا ماركىسى (ئىككى دانە) ۋە كىچىك تىپتىكى خاتىرە پوچتا ماركىسىنى (بىر دانە) تارقىتىشنى بېكىتتى. يۈرۈشلۈك خاتىرە پوچتا ماركىسىدىن 13 مىليون 900 مىڭ يۈرۈش، كىچىك تىپتىكى خاتىرە پوچتا ماركىسىدىن 7مىليون 900 مىڭ دانە تارقىتىشنى پىلانلاندى.

　　يۈرۈشلۈك خاتىرە پوچتا ماركىسىنىڭ 1-رەسىمى «جاسارەت بىلەن ئىلگىرىلەش يېڭى مۇساپىسى»دە گۈللەپ ياشنىغان، خاتىرجەم تىرىكچىلىك قىلىۋاتقان يېڭى دەۋر كۆرۈنۈشى تەسۋىرلەنگەن؛ 2- رەسىمى «يېڭى دەۋرگە تۆھپە قوشۇش»تا، كىشىلەرنىڭ ھەيۋەتلىك پارتىيە بايرىقى ئاستىدا تەنتەنىلىك قەسەم بەرگەن كۆرۈنۈشى نامايان قىلىنغان. كىچىك تىپتىكى خاتىرە پوچتا ماركىسىدىكى رەسىم «جۇڭگو كوممۇنىستىك پارتىيەسى مەملىكەتلىك 20-قۇرۇلتىيىنىڭ غەلىبىلىك ئېچىلغانلىقىنى تەبرىكلەيمىز»دە، پارتىيە ئىزنىكى، قىزىل بايراق، خەلق سارىيى، تەنتەنە قىلىۋاتقان ھەر مىللەت ئاممىسى ئاساسىي گەۋدە قىلىنغان ھالدا، پۈتۈن مەملىكەتتىكى ھەر مىللەت خەلقىنىڭ ئىتتىپاقلىشىپ كۈرەش قىلىپ، پارتىيە 20- قۇرۇلتىيىنىڭ غەلىبىلىك ئېچىلىغانلىقىنى بىرلىكتە تەبرىكلەۋاتقان خۇشال كەيپىياتى ئىپادىلەنگەن.

　　بۇ بىر يۈرۈش پوچتا ماركىسىنى مەركىزىي گۈزەل سەنئەت شۆيۈەنى كوللېكتىپ لايىھەلىگەن، بېيجىڭ پوچتا ماركىسى زاۋۇتى چەكلىك شىركىتى سايىلەش ھۈنەر-سەنئىتىنى قوللىنىپ باستۇرغان. پوچتا ماركىسى مەملىكەت بويىچە بەلگىلەنگەن پوچتا تور نۇقتىلىرى، پوچتا ماركىسى توپلاش تور زالى، جۇڭگو پوچتىسى يانفون تېرمىنالى، جۇڭگو پوچتىسى ئۈندىدارى پوچتا ئىدارىسى پوچتا ماركىسى توپلاش ئۈندىدار سودا شەھەرچىسى ۋە جۇڭگو پوچتىسى سودا شەھەرچىسى ئۈندىدار كىچىك پىروگراممىلىرىدا سېتىلىدۇ، سېتىش مۇددىتى ئالتە ئاي بولىدۇ. پوچتا ماركىسى مەزمۇنىنى تېخىمۇ مول نامايان قىلىش ئۈچۈن، جۇڭگو پوچتىسى «جۇڭگو پوچتا ماركىسىنى توپلاش قامۇسى» ئۈندىدار كىچىك پىروگراممىسى ئارقىلىق سىفىرلاشقان مەزمۇنلارنى ئېلان قىلىدۇ، بۇنى AR ئىقتىدارى ئارقىلىق كۆرۈشكە بولىدۇ.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى