شىزاڭدىكى ھەر مىللەت ياشلىرى ئېكولوگىيە قۇرۇلۇشىغا پائال ئاتلانماقتا (20-قۇرۇلتاينى كۈتىۋالايلى)

　　كۈز ئايلىرىدا لاسا دەرياسى بويىدىكى تاغنىڭ يىراقتىن كۆرۈنىدىغان چوققىسى قارغا چۈمكىنىپ، يېقىندىكى تاغ جىلغىلىرى يېشىللىققا پۈركىنىپ تۇرىدۇ. قاتار-قاتار يېشىل سۇ يەتكۈزۈش تۇرببىلىرى تاغ گەۋدىسىنى بويلاپ ئەگرى-بۈگرى يۇقىرىغا قاراپ يېيىلىپ ياتىدۇ، بىر نەچچە ئاپتوماتىك سۇ پۈركۈش ئەسلىھەسى ۋىشىلداپ ئاۋاز چىقىرىپ ئىگىزلىكتىكى بۇ يېشىللىقنى سۇغىرىدۇ.

　　مۇخبىر سىرېن دۇنجۇغا ئەگىشىپ شىزاڭ ئاپتونۇم رايونىنىڭ لاسا شەھىرى بەيدىڭ جىلغىسىغا كەلدى، تاغ يوللىرى ئەگرى-توقاي، كۈنگەي تەرەپتە قاتار-قاتار ئىگىز مايلىق قارىغاي كۆچەتلىرى ئۆسكەن. سىررېن دۇنجۇ لاسا شەھىرى چېڭگۈەن رايونى سەيگۇڭتاڭ كوچىسى بەيدىڭ كەنتىدە بىر قۇرۇلۇش شىركىتىنى باشقۇرىدۇ، بۇ يىل 3-ئايدىن بۇيان ئۇ كەنتتىكى بىر توپ ياشلارنى باشلاپ بەيدىڭ جىلغىسى تاغ باغرىدا خالىسانە ئورمان بىنا قىلىشنى باشلاپ ئۇدا تۆت ئايدىن كۆپرەك كۆچەت تىكتى.

　　كۆچەت تىكىش بىر دەملىكلا ئىش، ئاينىتىپ دەرەخ قىلىش كۆپ كۈچ كېتىدىغان ئىش «جۇڭگۇ بانكىسى شىزاڭ تارماق بانكىسىنىڭ خىزمەتچى خادىمى خې ۋېيجۈن بۇ يەردە كۆچەت تىكىش ۋە ئاينىتىشقا مەسئۇل، ئۇ يىراقتىكى ئۇل-ئەسلىھەلىرىنى كۆرسىتىپ تۇرۇپ مۇنداق دېدى: «يىل بېشىدا، ئىدارىمىزدىكى ياشلار كۆچەت تىكىپ، ئورمان بىنا قىلىشقا قاتناشتى. بۇ كۆچەتلەرنى تېكىش ئۈچۈن، كۆپچىلىك نۇرغۇن كۈچ سەرپ قىلدى، ئاشۇ ئاددىي يول، قاشا ۋە سۇغىرىش ئەسلىھەلىرىنىڭ ھەممىسى ئاز-ئازدىن ياسالغان».

　　كوممۇنىستىك ياشلار ئىتتىپاقى شىزاڭ ئاپتونوم رايونلۇق كومىتېتىنىڭ مۇئاۋىن شۇجىسى خې خۇا مۇنداق دېدى: «باش شۇجى شى جىنپىڭ شىزاڭنىڭ ئېكولوگىيەلىك مۇھىتىنى قوغداش ئەۋلادلارغا نەپ يەتكۈزۈپ ھەممىنى بەختكە ئېرىشتۈرۈدىغان ئىش، دەپ كۆرسەتكەن، پارتىيە 20-قۇرۇلتىيىنى كۈتۈۋېلىش ئۈچۈن شىزاڭدىكى ھەرمىللەت ياشلىرى ئېكولوگىيەلىك مۇھىتنى قوغداشقا پائال ئاتلاندۇق، بىز ياشلىقىمىز ئارقىلىق قارلىق ئېگىزلىكنىڭ زۇمرەت سۈيى، يېشىل تاغلىرىنى ساقلايمىز ۋە قوغدايمىز».

　　بەيدىڭ جىلغىسى بىر توپ كۆچەت تىككۈچىلەر بىلەن قاينام-تاشقىنلىققا تولغان ئىدى. لاسا شەھىرىنىڭ جەنۇب-شىمال تاغلىرىنى كۆكەرتىش قۇرۇلىشىنىڭ بىر قىسمى سۈپىتىدە، بەيدىڭ جىلغىسى كۆچەت تىكىپ ئورمان بىنا قىلىش رايونى بىر قانچە رايونغا بۆلۈنگەن، نۇرغۇن كارخانا، ئىدارىلەر رايون بويىچە مەسئۇل بولۇپ، نۇرغۇن ياش پىدائىيلار ئېغىر يۈكنى زىممىسىگە ئالغان.

　　25 ياشلىق ئوت ئۆچۈرگۈچى دورجى سوجيې ئەتىگەندىلا ئىككى خىزمەتدىشى بىلەن بەيدىڭ جىلغىسىدىكى سۈنئىي ئورمانغا كەلدى. ئۇ مۇنداق دېدى: «بۈگۈن بەيدىڭ جىلغىسىدىكى بىر بۆلەك كۆكەرتىش ئورنى ياردەملىشىپ سۇغىرىشقا مۇھتاج، بۇ يەردىكى سۇغىرىش ئەسلىھەلىرى ئاساسىي جەھەتتىن پۈتتى، ئورمانمۇ سۇ مەنبەسىنى ساقلاش رولىنى تەدرىجىي جارى قىلدۇرۇشقا باشلىدى».

　　26 ياشلىق ما شاۋلىن لاسا شەھىرىنىڭ جەنۇب ۋە شىمالىدىكى تاغلارنى كۆكەرتىش قۇرۇلۇشىنىڭ ئېلېكتىر كۈچى كاپالىتىگە مەسئۇل بولۇپ، ئۇ ۋە ئۇنىڭ ئەترىتى 200 نەچچە مىڭ مو ئورمان بىنا قىلىش تەۋەلىكىنى توك بىلەن تەمىنلەشكە ۋە ھەر خىل سۇغىرىش ئەسلىھەلىرىنىڭ نورمال يۈرۈشۈشىگە كاپالەتلىك قىلىشقا مەسئۇل. بۇ يىل 1-ئايدىن باشلاپ، ما شاۋلىن ئەترىتىدىكىلەرنى باشلاپ ھەر كۈنى دېگۈدەك قۇرۇلۇش مەيدانىدا مۇداپىئەدە تۇردى. شىزاڭ ئاپتونۇم رايونىنىڭ نۇقتىلىق ئېكولوگىيە قۇرۇلۇشى بولۇش سۈپىتى بىلەن، لاسا شەھىرىنىڭ جەنۇب-شىمال تاغلىرىنى كۆكەرتىش قۇرۇلىشى لاسا ۋە شەننەن شەھىرىنىڭ توققۇز ناھىيەسىنى، 35 يېزا-بازىرىنى ئۆز ئىچىگە ئالىدۇ، مۆلچەرلىنىشىچە 2030-يىلىغا بارغاندا بەرپا قىلىنغان ئورمان كۆلىمى 2 مىليون مودىن ئاشىدىكەن.

　　شىمالىي شىزاڭنىڭ چياڭتاڭ دېگەن يېرىدە، ياش پەرۋىش خادىملىرى بۇ يەردە ياشايدىغان شىزاڭ بۆكىنى قاتارلىق ياۋايى ھايۋانلارنى كۆڭۈل قويۇپ قوغدىدى؛ شىزاڭنىڭ شەرقىي جەنۇبىدىكى ئورمان رايونىدا، ياش ئورمان مۇھاپىزەتچىلىرى بۈك-باراقسان، بىپايان تاغ ئورمانلىقىدا چارلاپ تۇرىدۇ؛ ھىمالايا تاغلىق رايونىدا، ياش پەن-تېخنىكا خادىملىرى ئېگىز ۋە تىك چوققىلاردىن ھالقىپ ئۆتۈپ، كۆپ خىل ئېكولوگىيە ئىلمىي تەكشۈرۈشىنى قانات يايدۇردى. بىپايان قارلىق ئېگىزلىكتە، شىزاڭدىكى ھەر مىللەت ياشلىرى ئېكولوگىيەلىك مۇھىتنى قوغداش ساھەسىدە ياشلىق باھارى ۋە قان-تەرىنى سەرپ قىلماقتا.

　　گۈزەل جۇڭگو قۇرۇش كۈرىشىدە مەنمۇ بار. يېقىنقى يىللاردىن بۇيان، شىزاڭدىكى ھەر دەرىجىلىك كوممۇنىستىك ياشلار ئىتتىپاقى تەشكىلاتلىرى كەڭ ئىتتىپاق ئەزالىرى، ياش پىدائىيلارنى يېتەكلەپ، ئېكولوگىيەلىك مۇھىتنى ئاسراش، ئانا دەريانى قوغداش قاتارلىقلارنى چۆرىدەپ نەچچە مىڭ مەيدان پىدائىيلار مۇلازىمىتىنى قانات يايدۇرۇپ، 450 مىڭ مودىن ئارتۇق ئورمان بىنا قىلىش، 300 مىڭ تۈپتىن ئارتۇق كۆچەت تىكىش، ئاسراش خىزمىتىنى تاماملىدى.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى