20- قۇرۇلتاي ۋەكىلىنىڭ سالاپىتى / جىن ۋېنلىڭ: ئىش ئورنىدا پورەكلەپ ئېچىلغان كاككۇك گۈلى

　　جىن ۋېنلىڭ پارتىيە 19-قۇرۇلتىيىدىن پارتىيە 20- قۇرۇلتىيىغىچە ئۇدا ئىككى نۆۋەت پارتىيە مەملىكەتلىك قۇرۇلتىيى ۋەكىلى بولۇپ سايلاندى. جىن ۋېنلىڭ بۇ يىل 51 ياش، چاۋشيەنزۇ، ھازىر جۇڭگو نېفىت خىمىيە سانائىتى گۇرۇھى جىلىن چاڭچۈن نېفىت شۆبە شىركىتى شەرق شامىلى كوچىسى ماي قاچىلاش پونكىتى پارتىيە ياچېيكىسىنىڭ شۇجىسى، مۇئاۋىن پونكىت باشلىقى.

　　«بىز ئۆزىمىز ياخشى كۆرىدىغان ئىشلارنى قىلىش بىلەن ئالدىرىشىمىز كېرەك، شۇنداق قىلغاندىلا ھەربىر كۈنىمىزنىڭ مەنىلىك ئۆتۈۋاتقانلىقىنى ھېس قىلالايمىز» جىن ۋېنلىڭ نېفىت ئىشلىرىغا بولغان چەكسىز ساداقىتى، كىشىلىك تۇرمۇشتىكى غايىسىگە بولغان ئىنتىلىشى بىلەن ماي قاچىلاش مەشغۇلاتىدىن قىلچە خەۋەرسىز «نائۇستا» دىن تەدرىجىي ھالدا بىر ماي قاچىلاش پونكىتىنىڭ مۇنەۋۋەر باشلىقى بولۇپ يېتىشىپ چىقتى، ئۇ ماي قاچىلاش پونكىتىدىكى ھەر بىر كەسىپكە پىشتى. ئۇ ماي قاچىلاش پونكىتىغا كېلىپ-كېتىۋاتقان خېرىدارلار بىلەن پاراڭلىشىپ پىكىر ئالماشتۇرۇشنى ياخشى كۆرەتتى، باشقىلارنىڭ نەزىرىدىكى جاپالىق، قىيىن ئىشلارغا تەۋەككۇل قىلىش ئۇنىڭغا خۇشاللىق ئېلىپ كېلەتتى.

　　«كۆپ ئۆگىنىپ، مەشىق قىلىپ، خۇلاسىلەپ، كەسىپ باشلامچىلىرىدىن بولۇشقا تىرىشىمەن.» 2018- يىل 2-ئايدا جىن ۋېنلىڭ يەنبيەن نېفىت شۆبە شىركىتىنىڭ سان-سۈپىتىنى باشقۇرۇش ئورنىغا تەڭشەلدى. جىن ۋېنلىڭ ناتونۇش ئىش ئورنىدا تەجرىبىسى كەمچىل بولغانلىقتىن، رەھبەرلەردىن ۋە ئەتراپىدىكى خىزمەتداشلىرىدىن كەمتەرلىك بىلەن تەلىم ئېلىپ، بىر تەرەپتىن ئۆگىنىپ بىر تەرەپتىن خۇلاسىلەپ، ئۆزىگە تېخىمۇ قاتتىق تەلەپ قويۇپ، ھەر ھەپتىدىكى دەم ئېلىش ۋاقتىدىن تۇلۇق پايدىلىنىپ «دەرس تولۇقلاپ»، كەسپىي ئىقتىدارىنى تېز ئۆستۈرۈپ، ناھايىتى تېزلا سۈپەت باشقۇرۇشتىكى كەسىپ ئەھلىگە ئايلاندى. ھەر قېتىم جىددىي، قىيىن، خەتەرلىك، ئېغىر ۋەزىپىلەرگە يولۇققاندا، جىن ۋېنلىڭ پارتىيە ۋەكىلىلىك سالاھىيىتى بىلەن سەپنىڭ ئالدىدا مېڭىپ، باتۇرلۇق بىلەن ئۆتكەلگە ھۇجۇم قىلىپ قىيىنچىلىقلارنى يېڭىشنىڭ باشلامچىلىرىدىن بولدى.

　　2022-يىل 1-ئايدا جىن ۋېنلىڭ يەنبيەن نېفىت شۆبە شىركىتىدىن چاڭچۈن نېفىت شۆبە شىركىتىگە يۆتكىلىپ، پارتىيە ياچېيكىسىنىڭ شۇجىسى، مۇئاۋىن پونكىت باشلىقى بولدى. ئۇ پونكىتتىكى ئىشچى-خىزمەتچىلەرنى ئىتتىپاقلاشتۇرۇپ، پارتىيە تەشكىلاتىنىڭ سىياسىي ئەۋزەللىكىنى جارى قىلدۇرۇپ، پارتىيە قۇرۇلۇشىنى تىجارەتكە سىڭدۈرۈپ، شىركەتنىڭ تۈرلۈك سېتىش سىياسەتلىرىدىن جانلىق پايدىلىنىپ، پارتىيە ئەزالىرىنى تەشەببۇسكارلىق بىلەن ماي قاچىلاش نەق مەيدانى ۋە ئالدى سۇپا كۆزنىكە كېلىپ قېلىپلاشقان مۇلازىمەت ۋە كۈلۈمسىرەپ مۇلازىمەت قىلىشتا ئۈلگە كۆرسىتىشىنى ئىلگىرى سۈرۈپ، ماي قاچىلاش پونكىتىنىڭ تىجارەت مىقدارى ۋە ئۈنۈمىنى داۋاملىق ئۆستۈردى.

　　«كومپارتىيە ئەزاسى بولۇش سۈپىتىم بىلەن چوقۇم پارتىيەنىڭ گېپىنى ئاڭلاپ، پارتىيەگە ئەگىشىپ ماڭىمەن، ھەرقانداق ۋاقىتتا پارتىيەگە كىرىش قەسىمىمنى، نېمە ئۈچۈن يولغا چىققانلىقىمنى ئۇنتۇپ قالمايمەن.»

　　جىن ۋېنلىڭ پارتىيە 19-قۇرۇلتىيىنىڭ ۋەكىلى بولۇپ سايلانغاندىن بۇيانقى بەش يىلدا ۋەكىللىك مەسئۇلىيىتىنى ئەستايىدىل ئادا قىلىپ، پارتىيەنىڭ لۇشيەن، فاڭجېن، سىياسەتلىرىنى تەشۋىق قىلغۇچى، ئەتراپتىكى ئىشچى-خىزمەتچىلەر ۋە ئاممىنىڭ سىردىشى بولۇپ، پارتىيە ۋەكىلىنىڭ شەرەپلىك بۇرچىنى ئەمەلىيەتتە كۆرسەتتى. بۈگۈنكى كۈندە جىن ۋېنلىڭ پارتىيە 20-قۇرۇلتىيىنىڭ ۋەكىلى بولۇش سۈپىتى بىلەن خىزمەتتە مول نەتىجىلەرنى قولغا كەلتۈرۈپ يەنە بىر قېتىم يولغا چىقىدۇ.

　　كاككۇك گۈلى تاغ-دالىلاردا ئەڭ ئاۋۋال ئېچىلىدىغان گۈل، باھارنىڭ ئەلچىسى بولۇپ، بەخت-سائادەتكە سىمۋول قىلىنىدۇ. جىن ۋېنلىڭ خۇددى باھاردا ئەڭ ئاۋۋال ئېچىلغان كاككۇك گۈلىگە ئوخشاش ئاددىي-ساددا ھەرىكىتى ئارقىلىق ئەتراپىدىكى ھەر بىر كىشىگە ئىللىقلىق يەتكۈزدى.


كۆرۈپ بېكىتكۈچى: تۇرغۇن ئابلىز
　　مەنبە: خەلق تورى