قايغۇلۇق خەۋەر! يۈننەندىكى 44 ياشقا كىرگەن بىر قاتناش ساقچىسى قاتناش ۋەقەسىنى بىر تەرەپ قىلىۋاتقاندا قۇربان بولدى

　　2022- يىلى 5- ئاينىڭ 14 - كۈنى كەچتە، يۈننەن ئۆلكىسى چۇشيۇڭ ئوبلاستلىق ج خ ئىدارىسى قاتناش ساقچى تارماق ئەترىتى يۇڭۋۇ يۇقىرى سۈرئەتلىك تاشيول قاتناش چارلاش ساقچى چوڭ ئەترىتى ۋۇدىڭ يولى ئوتتۇرا ئەترىتىنىڭ باشلىقى يولداش شيا شاۋنېڭ يۇڭۋۇ يۇقىرى سۈرئەتلىك تاشيولى چىڭشۈي-خېچاڭ يولىنىڭ ئىلدىر بۆلىكىدە قاتناش ھادىسىسىنى بىر تەرەپ قىلىۋاتقاندا، بىر چوڭ يۈك ئاپتوموبىلى سوقۇۋېتىپ، نەق مەيداندا قۇربان بولغان، قۇربان بولغاندا ئۇ 44 ياشتا ئىدى.


　　شيا شاۋنېڭ، ئەر، يىزۇ، كومپارتىيە ئەزاسى، 2001-يىل 7-ئايدا خىزمەتكە قاتناشقان، ھايات چېغىدا چۇشيۇڭ ئوبلاستلىق ج خ ئىدارىسى قاتناش ساقچى تارماق ئەترىتى يۇڭۋۇ يۇقىرى سۈرئەتلىك تاشيول قاتناش چارلاش ساقچى چوڭ ئەترىتى ۋۇدىڭ يولى ئوتتۇرا ئەترىتىنىڭ باشلىقى، بىرىنچى دەرىجىلىك ساقچى باشلىقى بولغان.


　　يولداش شيا شاۋنېڭ قۇربان بولغاندىن كېيىن، ج خ مىنىستىرلىقى، ئۆلكىلىك ج خ نازارىتى تەزىيە تېلېگراممىسى ئەۋەتىپ چوڭقۇر تەزىيە بىلدۈردى ھەمدە ئائىلە تەۋەلىرىدىن سەمىمىي ھال سورىدى. ئوبلاستلىق پارتكوم، ئوبلاستلىق ھۆكۈمەتنىڭ ئاساسلىق رەھبەرلىرى يوليورۇق بېرىپ، كېيىنكى ئىشلارنى بىر تەرەپ قىلىش، نەپىقە بېرىش ۋە ئائىلە تەۋەلىرىگە غەمخورلۇق قىلىش قاتارلىق خىزمەتلەرنى پۈتۈن كۈچ بىلەن ياخشى ئىشلەشنى تەلەپ قىلدى.


　　كۆرۈپ بېكىتكۈچى: تۇرغۇن ئابلىز


　　مەنبە: خەلق تورى