شى جىنپىڭ فىلىپپىننىڭ زۇڭتۇڭلۇقىغا سايلانغان ماركوسقا تەبرىك تېلېگراممىسى ئەۋەتتى

　　5 ـ ئاينىڭ 11 ـ كۈنى، دۆلەت رەئىسى شى جىنپىڭ فىردىناند رومۇلدېز ماركوسقا تېلېگرامما ئەۋەتىپ، ئۇنىڭ فىلىپپىن جۇمھۇرىيىتىنىڭ زۇڭتۇڭلۇقىغا سايلانغانلىقىنى تەبرىكلىدى.



　　شى جىنپىڭ مۇنداق كۆرسەتتى: جۇڭگو بىلەن فىلىپپىن بىرلا سۇ ئايرىپ تۇرىدىغان قوشنىلار، ئېغىر كۈنلەردە بىللە بولىدىغان ھەمراھلار. يېقىنقى يىللاردىن بۇيان، ئىككى تەرەپنىڭ ئورتاق تىرىشچانلىقىدا، جۇڭگو ـ فىلىپپىن مۇناسىۋىتى ئۈزلۈكسىز مۇستەھكەملىنىپ، يۈكسىلىپ، ئىككى دۆلەت خەلقلىرىگە بەخت ـ سائادەت يارىتىپ، رايون تىنچلىقى، مۇقىملىقىغا تۆھپە قوشتى.



　　شى جىنپىڭ مۇنداق تەكىتلىدى: ھازىر، جۇڭگو ـ فىلىپپىن ئىككى دۆلەت ئاچقۇچلۇق تەرەققىيات باسقۇچىدا تۇرماقتا، ئىككى تەرەپ مۇناسىۋىتى مۇھىم پۇرسەت ۋە كەڭ ئىستىقبالغا يۈزلەندى. مەن جۇڭگو ـ فىلىپپىن مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، زۇڭتۇڭلۇققا سايلانغان ماركوس بىلەن ياخشى خىزمەت مۇناسىۋىتى ئورنىتىپ، ئىناق قوشنىدارچىلىق، دوستلۇقتا چىڭ تۇرۇپ، قول تۇتۇشۇپ تەرەققىي قىلىشتا چىڭ تۇرۇپ، ئىككى دۆلەتنىڭ ئومۇميۈزلۈك ئىستراتېگىيەلىك ھەمكارلىق مۇناسىۋىتىنى چوڭقۇر ئالغا سىلجىتىپ، ئىككى دۆلەت ۋە ئىككى دۆلەت خەلقلىرىگە بەخت يارىتىشنى خالايمەن.



　　شۇ كۈنى، دۆلەتنىڭ مۇئاۋىن رەئىسى ۋاڭ چىشەن سارا زىممېرمان دۇتېرت كابىئاۋغا تېلېگرامما ئەۋەتىپ، ئۇنىڭ فىلىپپىننىڭ مۇئاۋىن زۇڭتۇڭلۇقىغا سايلانغانلىقىنى تەبرىكلىدى.



　　مەنبە: خەلق تورى