پۇتىن جۇڭگوغا ئەڭ يېڭى ئىپادە بىلدۈردى

　　پۇتىن: جۇڭگو رۇسىيەنىڭ ئەڭ ئىشەنچىلىك ھەمراھى، ئىككى دۆلەت ئېنېرگىيە ھەمكارلىقىدا مول نەتىجىلەر قولغا كەلتۈرۈلدى.

　　خەلق تورى ئۇيغۇرچە قانىلىنىڭ 15-ئۆكتەبىر بېيجىڭدىن بەرگەن تېلېگراممىسى: رۇسىيە زۇڭتۇڭى پۇتىن شۇ يەر ۋاقتى 13-ئۆكتەبىر رۇسىيە ئېنېرگىيە ھەپتىلىكى باش تېما مۇنبىرى ئومۇمىي يىغىنىغا قاتناشتى. پۇتىن يىغىن مەيدانىدا زىيارەت قوبۇل قىلىپ مۇنداق دېدى: جۇڭگو رۇسىيەنىڭ ئومۇميۈزلۈك ئىستراتېگىيەلىك ھەمكارلىقتىكى ئەڭ ئىشەنچلىك ھەمراھى، ئىككى تەرەپ ھەر قايسى ساھەلەردە مول ئۈنۈملۈك ھەمكارلىقنى ساقلاپ كەلمەكتە.

　　رۇسىيە بىلەن جۇڭگونىڭ سودىسى يېڭى تىپتىكى تاجسىمان يۇقۇمىنىڭ زەربىسىدىمۇ يەنىلا قارشى يۆنىلىشتە جانلاندى، ئىككى دۆلەت ئېنېرگىيە ھەمكارلىقىدا مول نەتىجىلەر قولغا كەلتۈرۈلدى. مەسىلەن، رۇسىيە نوۋاتېك شىركىتى جۇڭگو بىلەن سۇيۇقلاندۇرۇلغان تەبىئىي گاز ھەمكارلىق تۈرىنى يولغا قويدى، رۇسىيە جۇڭگو-رۇسىيە تەبىئىي گاز تۇرۇببىسى شەرقىي لىنىيەسى ئارقىلىق جۇڭگونى گاز بىلەن تەمىنلىدى، بۇ گاز تۇرببىسىنىڭ ھەر يىللىق ئومۇمىي گاز يەتكۈزۈش مىقدارى 38 مىليارد كۇب مېتىرغا يېتىدۇ.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى