«پۇتىن تېخى قارار قىلمىدى»

　　«بۈگۈنكى رۇسىيە (RT)» تور بېكىتىنىڭ خەۋىرىگە قارىغاندا، شۇ جاي ۋاقتى 13-چېسلا رۇسىيە زۇڭتۇڭىنىڭ ئاخبارات كاتىپى پېسكوف مۇنۇلارنى بىلدۈرگەن: رۇسىيە زۇڭتۇڭى پۇتىن 2024-يىللىق رۇسىيە زۇڭتۇڭ سايلىمىغا قاتنىشىش-قاتناشماسلىقنى تېخى قارار قىلمىدى.

　　خەۋەردە دېيىلىشىچە، پېسكوف رۇسىيە سودا گېزىتى «تىجارەتچىلەر گېزىتى»نىڭ بىر پارچە خەۋىرىگە ئىنكاس قايتۇرغان. بۇ خەۋەردە دېيىلىشىچە، پۇتىن 2024-يىل 3-ئايدا سايلام رىقابىتىگە قاتنىشىشى مۇمكىن ئىكەن.

　　پېسكوف بۇنىڭغا قارىتا مۇنداق دېدى: «پۇتىن بۇ مەسىلە توغرىسىدا تېخى ھېچقانداق قارار چىقارمىدى». ئۇ يەنە مۇنداق دېدى: «شۇنى بىلىشكە بولىدۇكى، بۇ تېخىمۇ كۆپ سىياسىيونلار ۋە مۇتەخەسسىسلەرنىڭ دىققىتىنى قوزغىدى».

　　بۇنىڭدىن ئىلگىرىكى خەۋەرلەرگە قارىغاندا، پېسكوف 11-ئاينىڭ باشلىرىدا، پۇتىننىڭ ئۆزىنىڭ 2024-يىللىق رۇسىيە زۇڭتۇڭ سايلىمىغا قاتنىشىش قارارى توغرىسىدا ھېچقانداق بايانات ئېلان قىلمىغانلىقىنى بىلدۈرگەن. بەزى تاراتقۇلار خەۋەردار ئەربابلارنىڭ خەۋىرىنى نەقىل كەلتۈرۈپ، پۇتىن 2024-يىلىدىكى رۇسىيە زۇڭتۇڭ سايلىمىغا قاتنىشىشنى قارار قىلىپ بولغاندەك قىلىدۇ، دېگەن.

　　مەنبە: خەلق تورى