شىنجاڭ بۇ يىل بۇ قۇرۇلۇشنى يولغا قويىدۇ ←

　　مۇخبىرنىڭ ئاپتونوم رايونلۇق تۇرالغۇ ۋە شەھەر يېزا قۇرۇلۇشى نازارىتىدىن ئىگىلىشىچە، ئاپتونوم رايونىمىز بۇ يىل شەھەر ئىچىدىكى كەنت ۋە خەتەرلىك، كونا ئۆيلەرنى ئۆزگەرتىش قۇرۇلۇشىنى يولغا قويىدىكەن، ئۈرۈمچى شەھىرىنىڭ بەش تەۋەلىك رايونىدىكى 3696 يۈرۈش ئۆينى ئۆزگەرتىش پىلانلاندى.

　　كەپىلىك رايونلاردا ئادەتتە ئىمارەتلەرنىڭ زىچلىقى بىرقەدەر يۇقىرى بولىدۇ، يەر تەۋرەشكە تاقابىل تۇرۇش، ئوتتىن مۇداپىئەلىنىش، كەلكۈندىن مۇداپىئەلىنىش قاتارلىق ئۇل ئەسلىھەلەر يېتەرلىك ئەمەس، تۇرمۇش مۇھىتى بىرقەدەر ناچار. 2010-يىلىدىن باشلاپ، ئاپتونوم رايونىمىز كونا ئۆيلەر رايونىنى ئۆزگەرتىشنى نۇقتىلىق خەلق تۇرمۇشى قۇرۇلۇشى قاتارىغا كىرگۈزدى، لايىھەنى ئىلمىي تۈزۈپ، يىللىق ۋەزىپىنى بېكىتىپ، كۈندىلىك ھەيدەكچىلىك قىلىشنى كۈچەيتىپ، پۇل ئارقىلىق تۆلەم بېرىش ۋە ماددىي بۇيۇم بىلەن ئورۇنلاشتۇرۇش ۋاسىتىسىنى قوللىنىپ، كەپىلىك رايونلاردىكى ئاھالىلەرنىڭ مۇھىتى گۈزەل، ئەسلىھەلىرى يۈرۈشلەشكەن، بىخەتەر، سۈپەتلىك يېڭى ئۆيلەردە ئولتۇرۇشىغا كاپالەتلىك قىلىدۇق. 2023 -يىلى ئاپتونوم رايونىمىز 49 مىڭ 662 يۈرۈش كونا ئۆينى ئۆزگەرتىشنى يولغا قويدى.

　　«مۇۋاپىق، ئۈنۈملۈك مەبلەغ سېلىشنى ئىلگىرى سۈرۈپ، ئىستېمال ئېھتىياجىنى جانلاندۇردى، بازار بوشلۇقىنى كېڭەيتتى». ئاپتونوم رايونلۇق تۇرالغۇ ۋە شەھەر يېزا قۇرۇلۇشى نازارىتى تۇرالغۇ كاپالىتى باشقارمىسىنىڭ باشلىقى لى شىن تونۇشتۇرۇپ مۇنداق دېدى: كەپىلىك مەھەللىلەرنى ئۆزگەرتىشنى يولغا قويۇش، كەمتۈكلۈكلەرنى تولۇقلاش، ماسلاشتۇرۇشنى ئىلگىرى سۈرۈش، ھەرىكەت ئېنېرگىيەسى قوشۇش، كەلگۈسىگە نەپ يەتكۈزۈشتەك كۆپ خىل ئۈنۈمگە ئىگە، پولات-تۆمۈر، بىناكارلىق، قۇرۇلۇش ماتېرىياللىرى، ماشىنا ئېلېكتىر قاتارلىق 50 نەچچە ئالاقىدار كەسىپنىڭ ماس تەرەققىياتىغا تۈرتكە بولۇپ، ئائىلە ئېلېكتىر سايمانلىرى، ئۆي جاھازلىرى، توقۇمىچىلىق، بېزەكچىلىك قاتارلىق ئىستېمال كەسپىنىڭ ئېشىشىغا تۈرتكە بولدى، تۈرتكە بولدى مائارىپ، داۋالاش، كۈتۈنۈش، بەدەن چېنىقتۇرۇش، مۇھىت ئاسراش قاتارلىق ئاممىۋى ئەسلىھەلەرنى يەر ئېھتىياجى بىلەن تەمىنلىدى. ئاممىۋى مۇلازىمەت بايلىقىنىڭ تەكشى تەقسىملىنىشىنى ئىشقا ئاشۇردى.

　　2023-يىلىنىڭ ئاخىرىغىچە، ئاپتونوم رايونىمىز شەھەر بازارلاردىكى كونا ئۆيلەر رايونىدىن جەمئىي 1 مىليون 797 مىڭ 200 يۈرۈشنى ئۆزگەرتىپ، ئاپتونوم رايون بويىچە 5 مىليوندىن ئارتۇق ھەر مىللەت ئاممىنى نەپكە ئېرىشتۈردى، شەھەر ئىقتىدارى ئۈزلۈكسىز مۇكەممەللەشتى، جەمئىيەتنى ھەر تەرەپلىمە تۈزەش مۇھىتى كۆرۈنەرلىك ئۆستى.

　　مەنبە: خەلق تورى