ئۈرۈمچى شەھەرلىك كېسەللىكلەردىن مۇداپىئەلىنىش-كېسەللىكلەرنى تىزگىنلەش مەركىزى ئەسكەرتمە ئېلان قىلدى

　　خەلق تورى ئۇيغۇرچە قانىلىنىڭ 11-ئاينىڭ 27-كۈنى بېيجىڭدىن بەرگەن تېلېگراممىسى: تېمپېراتۇرىنىڭ تەدرىجىي تۆۋەنلىشىگە ئەگىشىپ، نەپەس يولى كېسەللىكلىرىنىڭ پەيدا بولۇش نىسبىتى كۆرۈنەرلىك ئاشتى، 11-ئاينىڭ 24-كۈنى، ئۈرۈمچى شەھەرلىك كېسەللىكلەردىن مۇداپىئەلىنىش -كېسەللىكلەرنى تىزگىنلەش مەركىزى ساغلاملىق كۆرسەتمىسى ئېلان قىلدى: قىش پەسلى قىزىل ۋىرۇسى كۆپ يۈز بېرىدىغان مەزگىل، يۇقۇمچانلىقى ئىنتايىن كۈچلۈك، ئامما ۋاقتىدا ۋاكسىنا ئەملەپ، ئۆزىنى قوغداشنى كۈچەيتىشى كېرەك.

　　قىزىل ئادەتتە قىزىل ۋىرۇسى كەلتۈرۈپ چىقىرىدىغان جىددىي خاراكتېرلىك نەپەس يولى يۇقۇملۇق كېسەللىكى بولۇپ، ئاساسلىقى يۇقۇملانغۇچىنىڭ چۈشكۈرۈشى، يۆتىلىشى ۋە يۇقىرى ئاۋازدا گەپ قىلغاندا چىقارغان چاچراندىلار ياكى يۇقۇملانغۇچىلارنىڭ بۇرۇن-يۇتقۇنچاق ئاجرالمىلىرى بىلەن ئۇچرىشىش ئارقىلىق يۇقىدۇ. بالىلار ئاساسلىق ئاسان يۇقۇملىنىدىغان كىشىلەر توپى بولۇپ، قىزىل ۋاكسىنىسى ئەملەنمىگەن ھەمدە قىزىلغا گىرىپتار بولمىغان ئىممۇنىتېت كۈچى تۆۋەن كىشىلەر توپى ئاساسلىق يۇقۇملانغۇچىلاردۇر. كېسەللىك ئالامەتلىرى قىزىش، يۆتىلىش، بۇرنىدىن سۇ ئېقىش، كۆز قىزىرىش، گال ئاغرىش قاتارلىقلارنى ئۆز ئىچىگە ئالىدۇ. كېسەللىك ئەھۋالى ئېغىر بولغان ئەھۋالدا ئۆپكە ياللۇغى، مېڭە ياللۇغى قاتارلىق ئەگەشمە كېسەللىكلەر كۆرۈلۈشى مۇمكىن، ئېغىر بولغاندا ھەتتا ئۆلۈپ كېتىشى مۇمكىن.

　　ئۈرۈمچى شەھەرلىك كېسەللىكلەردىن مۇداپىئەلىنىش-كېسەللىكلەرنى تىزگىنلەش مەركىزى ئاممىغا قىزىلنىڭ ئۈنۈملۈك ئالدىنى ئېلىش ئۈچۈن تۆۋەندىكى بىر قانچە نۇقتىنى ئىشقا ئاشۇرۇشنى ئەسكەرتتى:

　　بىرىنچى، ۋاكسىنا ئەملەش كېرەك. تەركىبىدە كەندىر تەركىبلىك ۋاكسىنا ياكى گۈرەن ۋاكسىنىسى ئەملەش قىزىلنىڭ ئالدىنى ئېلىشنىڭ ئەڭ ياخشى ئۇسۇلى بولۇپ، قىزىل ۋاكسىنىسى دۆلەتنىڭ ئىممۇنىتېتلاش پىلانى كاتېگورىيىسىگە كىرىدۇ، ۋاكسىنا ھەقسىز ئەملىنىدۇ، ئاتا-ئانىلار بالىلارغا ۋاقتىدا ۋاكسىنا ئەملەپ، بالدۇرراق ئىممۇنىتېت توسۇقى تۇرغۇزۇشى كېرەك.

　　ئىككىنچى، ئۆزىنى قوغداش خىزمىتىنى ياخشى ئىشلەش كېرەك. ياخشى تازىلىق ئادىتىنى يېتىلدۈرۈپ، قولنى پات-پات يۇيۇپ، يۆتىلىپ، چۈشكۈرگەندە قول ياكى قەغەز بىلەن ئېغىز-بۇرۇننى ئېتىپ، ئېغىز-بۇرۇندىن چىققان ئاجرالمىلارنى مۇۋاپىق تازىلاپ، ماسكىنى ئىلمىي، ئۆلچەملىك تاقاش كېرەك.

　　ئۈچىنچى، كىشىلەر توپلاشقان جايغا بېرىشتىن ساقلىنىش كېرەك. ئادەملەر زىچ توپلاشقان ۋە ھاۋا ئۆتۈشمەيدىغان ئاممىۋى سورۇنلارغا ئامال بار بارماسلىق، قىزىل ۋىرۇسى بىلەن ئۇچرىشىش ئېھتىماللىقىنى ئىمكانقەدەر تۆۋەنلىتىش كېرەك.

　　تۆتىنچى، ئىممۇنىتېت كۈچىنى ئاشۇرۇش لازىم. ئوزۇقلۇقنىڭ تەڭپۇڭ بولۇشىغا دىققەت قىلىش، پىششىق يېمەكلىكلەرنى يېيىش، قايناق سۇ ئىچىش، تەرتىپلىك ئۇخلاش، مۇۋاپىق بەدەن چېنىقتۇرۇش، بەدەننىڭ قارشىلىق كۈچىنى ئاشۇرۇش كېرەك.

　　بەشىنچى، ۋاقتىدا كېسەل كۆرسىتىش كېرەك. ئەگەر قىزىش، يۆتىلىش، ئەسۋە چىقىش قاتارلىق ئالامەتلەر كۆرۈلسە، ۋاقتىدا دوختۇرخانىغا بېرىپ داۋالىنىش كېرەك.

　　ئالتىنچى، بىمارلار بىلەن ئۇچرىشىشتىن ساقلىنىش كېرەك. ئەگەر ئەتراپىڭىزدا قىزىل يۇقۇپ قالغانلار بولسا، ۋاقتىدا ئايرىۋېتىش، ئۇچرىشىشتىن ساقلىنىش كېرەك.

　　ئۇنىڭدىن باشقا، مەكتەپ ۋە بالىلار باغچىلىرى ئاھالە زىچ توپلاشقان سورۇن بولۇپ، قىزىلنىڭ پەيدا بولۇشى ۋە تارقىلىشىنى ئازايتىش ئۈچۈن تۆۋەندىكى بىر قانچە ئىشنى ياخشى ئىشلەش كېرەك:

　　بىرىنچى، كۈندىلىك تۇرمۇشتا يەسلىگە كىرىش، مەكتەپكە كىرىشتىكى ۋاكسىنا ئەملەش كىنىشكىسىنى تەكشۈرۈش خىزمىتىنى ياخشى ئىشلەش، قىزىل ۋاكسىنىسى ئەملەشتىكى بەلگىلەنگەن قېتىم سانىنى تاماملىمىغان بالىلارنى بايقىغاندا، ئاتا-ئانىلار بىلەن ئالاقىلىشىپ تولۇقلاپ ئەملەش خىزمىتىنى ياخشى ئىشلەش كېرەك.

　　ئىككىنچى، ئەتىگەنلىك تەكشۈرۈش تۈزۈمىنى ئورنىتىپ ۋە ئەستايىدىل ئەمەلىيلەشتۈرۈپ، قىزىل كېسىلىگە گىرىپتار بولغان گۇمانىي بىمارلارنى بايقىغاندا ۋاقتىدا مەلۇم قىلىش كېرەك.

　　ئۈچىنچى، سىنىپ، ياتاق قاتارلىق سورۇنلارنىڭ ھاۋاسىنى دائىم ئالماشتۇرۇپ تۇرۇش، سىنىپ ۋە ياتاقنىڭ ھاۋاسىنى قەرەللىك دېزىنفېكسىيەلەش كېرەك.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى