ئۈرۈمچى شەھىرىنىڭ يۇقۇمنىڭ ئالدىنى ئېلىش-تىزگىنلەش ۋەزىيىتى سىجىل ياخشىلىنىشقا يۈزلىنىپ، يۇقۇم كۆلىمى ئۈنۈملۈك تىزگىنلەندى

　　خەلق تورى ئۇيغۇرچە قانىلىنىڭ 11-ئاينىڭ 23-كۈنى بېيجىڭدىن بەرگەن تېلېگراممىسى: 11-ئاينىڭ 21-كۈنى كەچتە، ئۈرۈمچى شەھەرلىك خەلق ھۆكۈمىتى ئاخبارات ئىشخانىسى يېڭى تىپتىكى تاجسىمان ۋىرۇسلۇق ئۆپكە ياللۇغى يۇقۇمىنىڭ ئالدىنى ئېلىش-تىزگىنلەش خىزمىتى ئاخبارات ئېلان قىلىش يىغىنى ئاچتى. يىغىندا، ئۈرۈمچى شەھەرلىك سەھىيە-ساغلاملىق كومىتېتىنىڭ مۇئاۋىن مۇدىرى جېڭ دېلۇ ئۈرۈمچى شەھىرىنىڭ يۇقۇمنىڭ ئالدىنى ئېلىش-تىزگىنلەشتىكى ئەڭ يېڭى ئەھۋاللارنى ئومۇمىي ئۇقتۇرۇش قىلدى.

　　ھازىر، ئۈرۈمچى شەھىرىنىڭ يۇقۇمنىڭ ئالدىنى ئېلىش-تىزگىنلەش ۋەزىيىتى سىجىل ياخشىلىنىپ، يۇقۇمنىڭ كۆلىمى ئۈنۈملۈك كونترول قىلىنىپ، ئالدىنى ئېلىش-تىزگىنلەش كۈرىشىدە كۆرۈنەرلىك نەتىجە-ئۈنۈم قولغا كەلتۈرۈلدى. لېكىن يۇقۇمنىڭ تارقىلىش خەۋپ-خەتىرى يەنىلا مەۋجۇت، يەنىلا ھەر ۋاقىت يۈكسەك ھوشيارلىقنى ساقلاپ، تۈرلۈك ئالدىنى ئېلىش-تىزگىنلەش تەدبىرلىرىنى قاتتىق، ئىنچىكە ئەمەلىيلەشتۈرۈشكە، خەۋپ-خەتىرى يۇقىرى رايونلاردا يەنە خەۋپ-خەتەرنى ئىلغاپ تەكشۈرۈش سالمىقىنى زورايتىشقا توغرا كېلىدۇ، خەۋپ-خەتىرى تۆۋەن رايونلارنىڭ ئالدىنى ئېلىش-تىزگىنلەش نەتىجىلىرى تېخى پۇختا ئەمەس. ئۈرۈمچى شەھىرى زىچ ئۇچراشقان خادىملارنى تېز سۈرئەتتە رەتكە تۇرغۇزۇپ تەكشۈرۈش ۋە يۆتكەپ توشۇشتا چىڭ تۇرىدۇ ھەم خەۋپ-خەتەرنى رەتكە تۇرغۇزۇپ تەكشۈرۈش ئەھۋالىغا ئاساسەن خەۋپ-خەتەر رايونىنى قايتىدىن بېكىتىپ، باشقۇرۇش-تىزگىنلەش تەدبىرلىرىنى ئەمەلىيلەشتۈرىدۇ.

　　كۆرۈپ بېكىتكۈچى: ياسىن قادىر

　　مەنبە: خەلق تورى