دىپلوماتىيە مىنىستىرلىقى: جۇڭگو لىزى-نەيچيۇڭ چېگرا ئېغىزىنىڭ ئوڭۇشلۇق ئېچىلغانلىقىنى تەبرىكلەيدۇ

　　11-ئاينىڭ 13-كۈنى، دىپلوماتىيە مىنىستىرلىقىنىڭ باياناتچىسى ماۋ نىڭ رەسمىيەتلىك مۇخبىرلار يىغىنىغا رىياسەتچىلىك قىلدى. بىر مۇخبىر مۇنداق سورىدى: جۇڭگو بىلەن نېپال ئارىسىدىكى لىزى-نەيچيۇڭ چېگرا ئېغىزى بۈگۈن رەسمىي ئېچىلدى، باياناتچى بۇنى مۇئەييەنلەشتۈرەلەمدۇ؟ مۇناسىۋەتلىك ئەھۋاللارنى يەنىمۇ ئىلگىرلەپ تونۇشتۇرۇپ ئۆتسە بولامدۇ؟

　　ماۋ نىڭ تونۇشتۇرۇپ مۇنداق دېدى: جۇڭگو بىلەن نېپال ئىككى دۆلەتنىڭ دوستانە كېڭىشىشى ۋە ئورتاق تىرىشىشى ئارقىسىدا، لىزى-نەيچيۇڭ چېگرا ئېغىزى بۈگۈن چۈشتە رەسمىي ئېچىلىش مۇراسىمى ئۆتكۈزدى، بۇ ئىككى دۆلەت رەھبەرلىرىنىڭ ئورتاق تونۇشىنى ئەمەلىيلەشتۈرۈشتىكى مۇھىم تەدبىرلەرنىڭ بىرى. بۇ چېگرا ئېغىزى جۇڭگو-نېپال ئوتتۇرىسىدا ئېچىلغان تۆتىنچى يولۇچى، يۈك توشۇشقا قوش ئېچىۋېتىلگەن چېگرا ئېغىزى، جۇڭگو لىزى-نەيچيۇڭ چېگرا ئېغىزىنىڭ ئوڭۇشلۇق ئېچىلغانلىقىنى تەبرىكلەيدۇ، ئىشىنىمىزكى بۇ ئىككى دۆلەتنىڭ سودا ۋە خادىملار ئالاقىسىگە يەنىمۇ قولايلىق يارىتىپ، جۇڭگو-نېپال چېگرا رايونىنىڭ ئىقتىسادىي، ئىجتىمائىي تەرەققىياتىنى ئىلگىرى سۈرۈپ، ئىككى دۆلەت خەلقىگە ھەقىقىي بەخت يارىتىدۇ.

　　مەنبە: خەلق تورى