ئەۋرىشكە قوۋۇرغىسى سۇنۇپ كەتكەن بولۇپ، بىر مۇزېي قايتا رېمونت قىلماسلىقنى قارار قىلدى

　　يېقىندا سىچۈەن چېڭدۇدىكى ھاياتلىق سىرى مۇزېيىدا بىر ئەر تۇننۇس بېلىقى ئەۋرىشكىسىنىڭ قوۋۇرغىسىنى سۇندۇرۇۋەتكەن ئىش قىزغىن مۇنازىرە قوزغىدى.

　　جەنۇب شەھەر گېزىتىنىڭ خەۋىرىگە قارىغاندا، 9-ئاينىڭ 13-كۈنى بۇ مۇزېينىڭ خىزمەتچىلىرى مۇزېي تەرەپنىڭ سۇنۇپ كەتكەن قوۋۇرغىسىنىڭ ئەۋرىشكىسىنى ئەسلىگە كەلتۈرمەسلىكنى قارار قىلغانلىقىنى بىلدۈرگەن. بەلكى ئۇنى «مەدەنىي كۆرگەزمە تەربىيەسى» كۆرگەزمىسى قىلىپ، 12ـ چېسلادىن باشلاپ كۆرگەزمە قىلىشنى باشلىغان، بۇ مەملىكەت بويىچە تۇنجى «مەدەنىي كۆرگەزمە تەربىيەسى» كۆرگەزمە ئورنى بولۇپ، مۇزېي تەرەپ بۇ ئارقىلىق ساياھەتچىلەرنى مەدەنىي كۆرگەزمە قىلىپ، كۆرگەزمە بۇيۇملىرىنى ئاسراپ، پەن-تېخنىكىنى ئومۇملاشتۇرۇش ئىشلىرىغا ھۆرمەت قىلىشىنى مۇراجىئەت قىلىدىغانلىقىنى بىلدۈردى.

　　شۇ كۈنى ھاياتلىق سىرى مۇزېي يەنە بىر قېتىم تەشەببۇسنامە ئېلان قىلدى. «مەيلى ئەۋرىشكە، مەدەنىيەت يادىكارلىقلىرى ياكى گۈل-گىياھ، دەل-دەرەخلەر بولسۇن، سىزگە خۇشاللىق ۋە گۈزەل تەسىرات ئېلىپ كېلىدىغان كۆرگەزمە بۇيۇملىرىنى ئاسراڭ».

　　بۇ مۇزېينىڭ باشلىقى لى جۈننىڭ تونۇشتۇرۇشىچە، ئەۋرىشكە قوۋۇرغىسىنى سۇندۇرۇۋەتكەن ۋەقەگە چېتىشلىق ئەر تېپىلغان، شۇنداقلا ساراي تەرەپكە خاتالىقىنى تونۇپ، ئەپۇ سوراش خېتى يازغان. بۇ قېتىم بۇزۇلغان ئەۋرىشكىنىڭ قىممىتى 480 مىڭ يۈەن بولۇپ، ئەسلىگە كەلتۈرۈش خىراجىتى 10 مىڭ يۈەندىن ئاشىدىكەن.

　　مۇخبىر يۇقىرىقى ئەۋرىشكىنىڭ بىردىنبىر كىشىلەر تەرىپىدىن بۇزغۇنچىلىققا ئۇچرىغان ئەۋرىشكە ئەمەسلىكىگە دىققەت قىلغان. بۇنىڭدىن ئىلگىرى ھاياتلىق سىرى مۇزىيى نۇرغۇن كۆرۈنمە چاستوتىنى ئېلان قىلغان بولۇپ، كۆرۈنمە چاستوتلاردا بىرنەچچە ئەۋرىشكىدە ئوخشىمىغان دەرىجىدە بۇزۇلۇش، جۈملىدىن چىشى چۈشۈپ كېتىش، بىلىكى سۇنۇپ كېتىش، باش سۆڭىكىنىڭ سۇنۇپ كېتىش ئەھۋاللىرى كۆرۈلگەن.

　　ئىگىلىنىشىچە، ساياھەتچىلەرنىڭ ئەۋرىشكە سارىيىدىكى ئەۋرىشكىلەرنى يېقىن ئارىلىقتىن بىۋاسىتە كۆزىتىشى ئۈچۈن، ساراي ئىچىدىكى ئەۋرىشكىلەرنىڭ ھەممىسى ئوچۇق شەكىلدە كۆرگەزمە قىلىنغان. ساياھەتچىلەرگە ئەۋرىشكىنى خالىغانچە تۇتماسلىقنى ئەسكەرتىدىغان مەخسۇس بەلگىسى بار ئىكەن. بۇنىڭدىن باشقا ساراي ئىچىدە يەنە مەخسۇس ئەۋرىشكە تۇتۇش رايونى تەسىس قىلىنغان، لېكىن شۇنداق بولغان تەقدىردىمۇ ئەۋرىشكىلەرنى يەنىلا ساياھەتچىلەر سۇندۇرۇۋەتكەن ياكى بۇزۇۋەتكەن.

　　ئەۋرىشكىنى ياساش ئاسان ئەمەس، مەدەنىي كۆرگەزمە قىلىش ئۇلارنى ئەڭ ياخشى قوغداش ھېسابلىنىدۇ.

　　مەنبە: خەلق تورى