«چوڭقۇر دېڭىز 1-نومۇر» يىراقتىن تىزگىنلەپ ئىشلەپچىقىرىش ئىقتىدارىنى شەكىللەندۈردى

　　خەلق تورى ئۇيغۇرچە قانىلىنىڭ 4-ئاينىڭ 11-كۈنى بېيجىڭدىن بەرگەن تېلېگراممىسى: 4-ئاينىڭ 10-كۈنى جۇڭگو دېڭىز-ئوكيان نېفىت گۇرۇھى چەكلىك شىركىتىدىن ئىگىلىنىشىچە، «چوڭقۇر دېڭىز 1-نومۇر» دەرىجىدىن تاشقىرى چوڭقۇر گازلىق يىراق مۇساپىلىك يىراقتىن تىزگىنلىنىدىغان ئىشلەپچىقىرىشنى ئۆزگەرتىش ۋە تەڭشەش خىزمىتىنى تاماملىغان، تەيفېڭ بورىنى مەزگىلىدە نېفىت-گاز ئېچىش ئۈسكۈنىلىرىنىڭ ئايلىنىشىنى ساقلاپ، ئۇدا بىخەتەر، مۇقىم ئىشلەپچىقىرىش ئىقتىدارىنى ھازىرلىغان بولۇپ، دۇنيا بويىچە تۇنجى يىراقتىن تىزگىنلەيدىغان ئىشلەپچىقىرىش ئىقتىدارىنى ھازىرلىغان دەرىجىدىن تاشقىرى چوڭ تىپتىكى چوڭقۇر يېرىم چۆكمە شەكىللىك نېفىت ئىشلەپچىقىرىش سۇپىسى بولۇپ قالغان، بۇنىڭ بىلەن ھەر يىلى تەبىئىي گاز مەھسۇلات مىقدارىنى 60 مىليون كۇب مېتىردىن ئاشۇرغىلى بولىدىكەن.

　　«چوڭقۇر دېڭىز 1-نومۇر» چوڭ گازلىقنىڭ ئەڭ چوڭ مەشغۇلات چوڭقۇرلۇقى 1500 مېتىردىن ئاشىدۇ، بۇ، ئېلىمىز ئۆز ئالدىغا لايىھەلەپ ياسىغان دۇنيا بويىچە تۇنجى 100 مىڭ توننىلىق چوڭقۇر سۇدا يېرىم چۆكۈش شەكلىدىكى نېفىت ئىشلەپچىقىرىش-ساقلاش سۇپىسى بولغان «چوڭقۇر دېڭىز 1-نومۇر» ئېنېرگىيە پونكىتىنى يۈرۈشتۈرۈۋاتقان بولۇپ، يىللىق گاز ئىشلەپچىقىرىش مىقدارى 3 مىليارد كۇب مېتىرغا يېتىدۇ.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى