شى جىنپىڭ كونگو(كىنشاسا) زۇڭتۇڭى زىسېكدى بىلەن جۇڭگو - كونگو مۇناسىۋىتىنىڭ نورماللاشقانلىقىنىڭ 50 يىللىقى مۇناسىۋىتى بىلەن ئۆزئارا تەبرىك تېلېگراممىسى ئەۋەتتى

　　11 - ئاينىڭ 24 - كۈنى، دۆلەت رەئىسى شى جىنپىڭ كونگو(كىنشاسا) زۇڭتۇڭى زىسېكدى بىلەن ئۆزئارا تەبرىك تېلېگراممىسى ئەۋەتىپ، ئىككى دۆلەت مۇناسىۋىتىنىڭ نورماللاشقانلىقىنىڭ 50 يىللىقىنى تەبرىكلىدى.


　　شى جىنپىڭ مۇنداق كۆرسەتتى: يېرىم ئەسىردىن بۇيان، جۇڭگو - كونگو مۇناسىۋىتى ساغلام، مۇقىم تەرەققىي قىلدى، ئەنئەنىۋى دوستلۇقى ئۈزلۈكسىز چوڭقۇرلاشتى. يېقىنقى يىللاردىن بۇيان، ئىككى دۆلەت ھەمكارلىشىپ ئورتاق نەپ ئالىدىغان ئىستراتېگىيەلىك ھەمراھلىق مۇناسىۋىتى ئورنىتىپ، ئەمەلىي ھەمكارلىق نەتىجىلىرى مول بولۇپ، ئىككى دۆلەت خەلقلىرىنىڭ بەخت - سائادىتى كۈچلۈك ئاشۇرۇلدى. مەن جۇڭگو - كونگو مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، زۇڭتۇڭ زىسېكدى بىلەن بىرلىكتە تىرىشىپ، ئىككى دۆلەت مۇناسىۋىتى نورماللاشقانلىقىنىڭ 50 يىللىقىنى پۇرسەت بىلىپ، سىياسىي جەھەتتىكى ئۆزئارا ئىشىنىشنى چوڭقۇرلاشتۇرۇپ، «بىر بەلباغ، بىر يول»نى ئورتاق قۇرۇش ھەمكارلىقىنى كۈچەيتىپ، ئورتاق ھالدا جۇڭگو - كونگو مۇناسىۋىتىدە يېڭى ۋەزىيەت يارىتىشنى خالايمەن.


　　زىسېكدى رەئىس شى جىنپىڭنىڭ جۇڭگو كوممۇنىستىك پارتىيەسى مەركىزىي كومىتېتىنىڭ باش شۇجىلىقىغا ئۇدا سايلانغانلىقىنى يەنە بىر قېتىم قىزغىن تەبرىكلىدى. ئۇ مۇنداق بىلدۈردى: يېرىم ئەسىردىن بۇيان، كونگو - جۇڭگو مۇناسىۋىتىدە سىجىل بولغان، ياخشى تەرەققىيات ئىشقا ئاشۇرۇلدى. مەن ئىككى دۆلەتنىڭ ئەنئەنىۋى دوستلۇقنى ئۈزلۈكسىز چوڭقۇرلاشتۇرۇپ، كونگو بىلەن جۇڭگونىڭ ئىستراتېگىيەلىك ھەمراھلىق مۇناسىۋىتىدە يېڭى نەتىجىلەرنى قولغا كەلتۈرۈشكە تۈرتكە بولۇپ، ئىككى دۆلەت خەلقلىرىگە بەخت يارىتىشنى خالايمەن.