تاس ئاگېنتلىقىنىڭ خەۋىرىگە ئاساسلانغاندا، شۇ جاي ۋاقتى 3-ئاينىڭ 27-كۈنى، رۇسىيە زۇڭتۇڭى پۇتىن رۇسىيەنىڭ غەربىي شىمالىدىكى شەھەر مولمانسكتا مۇنداق دېگەن: رۇسىيە دېڭىز ئارمىيە فىلوتى قۇرۇلۇشىنى داۋاملىق كۈچەيتىپ، دېڭىز كۈچلۈك دۆلىتى بولۇش ئورنىنى پۈتۈن كۈچى بىلەن مۇستەھكەملەيدۇ.
خەۋەرلەرگە ئاساسلانغاندا، پۇتىن «ئارخانگولسك» ناملىق يادرو ئېنېرگىيەلىك سۇ ئاستى كېمىسىدىكى ئوفىتسېر-ئەسكەرلەر بىلەن پىكىر ئالماشتۇرغاندا مۇنداق دېگەن: «دېڭىز ئارمىيەسىنىڭ رولى ھەممىگە مەلۇم، رۇسىيە نەچچە ئەسىردىن بۇيان ئىزچىل دېڭىز ـ ئوكيان كۈچلۈك دۆلىتى بولۇپ كەلدى، بىز بۇ ئورنىمىزنى پۈتۈن كۈچىمىز بىلەن مۇستەھكەملەيمىز.»
پۇتىن يەنە مۇنداق بىلدۈرگەن: ئىقتىدارى تېخىمۇ يۇقىرى بولغان يېڭى تىپتىكى سۇ يۈزى پاراخوتى ۋە سۇ ئاستى پاراخوتى ياسايمىز، يېڭى پاراخوت چوقۇم ھازىرقى ئېھتىياجغا ئۇيغۇن بولۇشى كېرەك.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
