ياپونىيەنىڭ نوتو يېرىم ئارىلىدىكى يەر تەۋرەشتە 57 ئادەم ئۆلدى

　　خەلق تورى ئۇيغۇرچە قانىلىنىڭ 1-ئاينىڭ 3-كۈنى بېيجىڭدىن بەرگەن تېلېگراممىسى: ياپونىيە ئىشىكاۋا ناھىيەلىك ھۆكۈمەت ئېلان قىلغان سانلىق مەلۇماتقا كۆرسىتىلىشىچە، شۇ جاي ۋاقتى 1-ئاينىڭ 2-كۈنى سائەت 21 گىچە، نوتو يېرىم ئارىلىدىكى يەر تەۋرەشتە بۇ ناھىيەدىن 57 ئادەم ئۆلگەن.

　　ئىستاتىستىكا قىلىنىشچە، ئىشكاۋا ناھىيەسىدىكى ئېغىر ئاپەت بولغان ۋاجىما شەھىرى ۋە سۇزۇ شەھىرىدە ئۆلگەنلەرنىڭ سانى ئەڭ كۆپ بولۇپ، ئايرىم ھالدا 24 ئادەم ۋە 22 ئادەم ئۆلگەن. سۇزۇ شەھىرىنىڭ باشلىقى ماسۇخىرو ئىزۇمىيانىڭ ئېيتىشىچە، بۇ شەھەردىكى كۆپ ساندىكى ئۆلگۈچى تۇرۇشلۇق ئۆيلەرنىڭ ھەممىسى ياكى ئاساسەن دېگۈدەك ۋەيران بولغان.

　　ياپونىيە مۇداپىئە ۋازارىتى 1-ئاينىڭ 2-كۈنى 1000 نەپەر قوغدىنىش ئەترىتى ئەزاسىنىڭ ئاپەتكە ئۇچرىغان جايدا قۇتقۇزۇشنى قانات يايدۇرغانلىقىنى بىلدۈردى. ياپونىيە ئىچكى كابېنتىنىڭ باش كاتىپى يوشىماسانىڭ دېيىشىچە، 1-ئاينىڭ 2-كۈنى سائەت 11 گىچە ئىشىكاۋا ۋە نىئىگاتا ناھىيەسىدىكى پاناھلانغۇچىلار 60 مىڭغا يېقىنلاشقان. بۇنىڭدىن باشقا، ياپونىيە خوجىلىق ۋازارىتى ئوت ئۆچۈرۈش نازارىتى ئەمەلدارىنىڭ ئېيتىشىچە، ياپونىيەنىڭ ھەرقايسى جايلىرىدا يۈزدىن ئارتۇق ئادەم يەر تەۋرەشتە يارىلانغان.

　　ياپونىيە مېتېئورولوگىيە نازارىتىنىڭ 1-ئاينىڭ 2-كۈنى مۆلچەرلىشىچە، ئىشكاۋا ناھىيەسىدە 1-ئاينىڭ 2-كۈنى كېچىدىن باشلاپ يامغۇر ياغقان بولۇپ، شۇ جايدىكى ئاھالىلەر لاتقا-شېغىللىق ئېقىندىن ھوشيار بولۇشى كېرەكلىكى ئۇقتۇرۇلغان.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى