«شى جىنپىڭ يېڭى دەۋر جۇڭگوچە سوتسىيالىزم ئىدىيەسىنى ئۆگىنىشكە دائىر ماقالىلەر توپلىمى»نىڭ 6 - قىسمىدىن 10 - قىسمىغىچە نەشر قىلىنىپ تارقىتىلدى

　　جۇڭگو كوممۇنىستىك پارتىيەسى مەركىزىي كومىتېتى پارتىيە تارىخى ۋە ھۆججەت - ئەسەرلەر تەتقىقات ئورنى تەھرىرلىگەن «شى جىنپىڭ يېڭى دەۋر جۇڭگوچە سوتسىيالىزم ئىدىيەسىنى ئۆگىنىشكە دائىر ماقالىلەر توپلىمى»نىڭ 6 - قىسمىدىن 10 - قىسمىغىچە يېقىندا مەركىزىي كومىتېت ھۆججەت - ئەسەرلەر نەشرىياتى تەرىپىدىن نەشر قىلىنىپ، پۈتۈن مەملىكەتتە تارقىتىلدى.

　　بۇ كىتابنىڭ 6 - قىسمىدىن 10 - قىسمىغىچە مەركىزىي كومىتېت پارتىيە تارىخى ۋە ھۆججەت - ئەسەرلەر تەتقىقات ئورنى 2020 - يىلىدىن بۇيان يېزىشقا تەشكىللىگەن ھەم خەلق گېزىتى، «ئىزدىنىش» ژۇرنىلى قاتارلىقلاردا ئېلان قىلىنغان جەمئىي 31 پارچە يۈرۈشلۈك نەزەرىيە، تەشۋىقات ماقالىسى كىرگۈزۈلگەن بولۇپ، تەخمىنەن 230 مىڭ خەت. بۇ ماقالىلەردە باش شۇجى شى جىنپىڭنىڭ ئالاقىدار مۇھىم بايانلىرىنى چوڭقۇر ئۆگىنىش، ئۆزلەشتۈرۈشنى چۆرىدەپ، ئۇنىڭغا سىڭدۈرۈلگەن قائىدە، ئىلمىي قائىدە، پەلسەپەۋى قائىدىلەر چۈشەندۈرۈلگەن بولۇپ، بىرقەدەر كۈچلۈك ئىدىيەۋىلىككە ۋە ئوقۇشچانلىققا ئىگە. بۇ كىتابنىڭ 1 - قىسمىدىن 5 - قىسمىغىچە 2020 - يىلى نەشر قىلىنىپ تارقىتىلغان.