جۇڭگو: ئالاقىدار دۆلەتلەرنىڭ نەنخەي دېڭىزى مەسىلىسىدە جۇڭگوغا قارىتىلغان سەۋەبسىز ئەيىبلىشى ۋە يامان نىيەتتە قارا چاپلىشىنى ھەرگىز قوبۇل قىلمايمىز

　　18-ئاپرېل، جۇڭگو دىپلوماتىيە مىنىستىرلىقىنىڭ باياناتچىسى لىن جيەن رەسمىيەتلىك مۇخبىرلار يىغىنىغا رىياسەتچىلىك قىلدى. بىر مۇخبىر مۇنداق سوئال سورىدى: بىز شۇنىڭغا دىققەت قىلدۇقكى، يېقىندا ئۆتكۈزۈلگەن ئامېرىكا-ياپونىيە-فىلىپپىن ئۈچ تەرەپ باشلىقلار يىغىنىدا ئېلان قىلىنغان باياناتتا جۇڭگونىڭ نەنخەي دېڭىزىدىكى ھەرىكىتىگە قاتتىق كۆڭۈل بۆلۈپ، جۇڭگونىڭ 2016-يىللىق نەنخەي دېڭىزى كېسىم دېلوسىنىڭ كېسىمىگە رىئايە قىلىشى مۇراجىئەت قىلىندى. باياناتچى قانداق باھا بېرىدۇ؟ بۇنىڭغا قارىتا، لىن جيەن مۇنۇلارنى بىلدۈردى: جۇڭگو ئالاقىدار دۆلەتلەرنىڭ گۇرۇھ سىياسىيسىنى چاڭگىلىغا كىرگۈزۈۋېلىشىغا قەتئىي قارشى تۇرىدۇ، زىددىيەت پەيدا قىلىدىغان ۋە زىددىيەتنى كەسكىنلەشتۈرىدىغان، باشقا دۆلەتلەرنىڭ ئىستراتېگىيەلىك بىخەتەرلىكى ۋە مەنپەئەتىگە زىيان يەتكۈزىدىغان ھەرقانداق ئۇسۇلغا قەتئىي قارشى تۇرىدۇ، ئۆز رايونىدا بېكىنمە ھالەتتە باشقىلارنى چەتكە قاقىدىغان «كىچىك چەمبىرەك» قۇرۇشقا قەتئىي قارشى تۇرىدۇ. جۇڭگو ئالاقىدار دۆلەتلەرنىڭ نەنخەي دېڭىز مەسىلىسىدە جۇڭگونى سەۋەبسىز ئەيىبلىشى ۋە يامان نىيەتتە قارا چاپلىشىنى ھەرگىز قوبۇل قىلمايدۇ. جەنۇبىي دېڭىز كېسىم دېلوسىدا چىقىرىلغان كېسىم قانۇنسىز، ئىناۋەتسىز. جۇڭگو كېسىمنى قوبۇل قىلمايدۇ، قاتناشمايدۇ، ئاتالمىش كېسىمنى قوبۇل قىلمايدۇ، ئېتىراپ قىلمايدۇ، بۇ كېسىمنى ئاساس قىلغان ھەرقانداق تەشەببۇس ۋە ھەرىكەتنى تېخىمۇ قوبۇل قىلمايدۇ. نەنخەي دېڭىز كېسىم دېلوسى ۋە ئۇنىڭ قانۇنسىز كېسىمى فىلىپپىننى ئۆز ئىچىگە ئالغان رايوندىكى دۆلەتلەرنىڭ مەنپەئەتىگە زىيان يەتكۈزىدۇ. ھەرقانداق ئوراش-قاپلاش نەنخەي دېڭىز مەسىلىسىنىڭ ماھىيىتىنى ئۆزگەرتەلمەيدۇ، ھەرقانداق قانۇن تونىغا ئورىنىۋالغان سىياسىي نەيرەڭۋازلىق جۇڭگونىڭ ئۆز زېمىن ئىگىلىك ھوقۇقى ۋە دېڭىز-ئوكيان ھوقۇق-مەنپەئەتىنى قوغداش قەتئىي ئىرادىسى ۋە ئىرادىسىنى توسۇپ قالالمايدۇ، ھەممىسى بىھۇدە ئاۋارىچىلىك. جۇڭگو داۋاملىق دۆلەت ئىچى قانۇنى ۋە خەلقئارا قانۇنغا ئاساسەن ئۆزىنىڭ قانۇنلۇق ھوقۇقىنى قەتئىي قوغدايدۇ. بىز ئالاقىدار دۆلەتلەرنى رېئاللىقنى ئېنىق تونۇپ، تۇتقان يولىنى ئۆزگەرتىپ، قايتا-قايتا خاتالىق ئۆتكۈزمەسلىككە دەۋەت قىلىمىز.

　　مەنبە: خەلق تورى