خەلق تورى ئۇيغۇرچە قانىلىنىڭ 2-ئاينىڭ 29-كۈنى بېيجىڭدىن بەرگەن تېلېگراممىسى: 2-ئاينىڭ 27-كۈنى جامائەت خەۋپسىزلىكى مىنىستىرلىقىدىن ئىگىلىنىشىچە، جامائەت خەۋپسىزلىكى مىنىستىرلىقى بېجىرىشنى ئۈستىگە ئالغان 2023-يىللىق مەملىكەتلىك ئىككى يىغىندىكى 574 تەكلىپ-تەۋسىيەلەرنىڭ ھەممىسى بەلگىلەنگەن ۋاقىت ئىچىدە يۇقىرى سۈپەتلىك بېجىرىلگەن، مەملىكەتلىك خەلق قۇرۇلتىيى ۋەكىللىرى، مەملىكەتلىك سىياسىي كېڭەش ئەزالىرى جامائەت خەۋپسىزلىكى مىنىستىرلىقىنىڭ مەملىكەتلىك ئىككى يىغىندىكى تەكلىپ-تەۋسىيەلەرنى بېجىرىش خىزمىتىدىن رازى بولغان.
خىزمەت داۋامىدا، جامائەت خەۋپسىزلىكى مىنىستىرلىقى تەكلىپ-تەۋسىيەلەرنى بېجىرىشنى جەمئىيەت ئەھۋالى، خەلق رايىنى چۈشىنىشنىڭ مۇھىم يولى ۋە جامائەت خەۋپسىزلىكى خىزمىتىنى ياخشىلاشنىڭ ئۈنۈملۈك يولى قىلىپ، بېجىرىشنى ئۈستىگە ئالغان تەكلىپ-تەۋسىيەلەرنى بىر-بىرلەپ تەھلىل، تەتقىق قىلىپ، ھەم ئايرىم مەسىلىلەرنى ھەل قىلىشقا ئەھمىيەت بېرىپ ھەم چوڭقۇر قاتلاملىق، مېخانىزم خاراكتېرلىك مەسىلىلەرنى تەتقىق قىلىپ، بېجىرىش خىزمىتىنىڭ قاراتمىلىقى ۋە ئۈنۈمدارلىقىنى ھەقىقىي كۈچەيتىپ، جامائەت خەۋپسىزلىكى خىزمىتىنىڭ سۈپىتى، ئۈنۈمىنى ئۆستۈرۈشكە تۈرتكە بولدى. ئىگىلىنىشىچە، جامائەت خەۋپسىزلىكى مىنىستىرلىقى 2023-يىلى بېجىرىشنى ئۈستىگە ئالغان تەكلىپ-تەۋسىيەلەر ئاساسلىقى تېلېگراف تور ئالدامچىلىقى، ئاياللار-بالىلارنى ئالداپ سېتىش، توردا پىتنە-ئىغۋا تارقىتىش، چېگرا ھالقىپ قىمار ئويناش قاتارلىق گەۋدىلىك قانۇنغا خىلاپ جىنايەتلەرگە زەربە بېرىش، تۈزەش، ئېلېكتىرىك ئاپتوموبىل، ياشانغانلار ئاپتوموبىلى، يېڭى ئېنېرگىيەلىك ئاپتوموبىل باشقۇرۇش قاتارلىق قاتناش باشقۇرۇش خىزمىتىنى كۈچەيتىش، رەقەملىك ھاڭنى بۇزۇپ تاشلاش، چوڭ سانلىق مەلۇماتتىن ئورتاق بەھرىلىنىشنى تۈزەشنى چوڭقۇرلاشتۇرۇش، زىددىيەت-ماجىرالارنى پەسەيتىشنى كۈچەيتىش، نوپۇس باشقۇرۇش ئىسلاھاتىنى چوڭقۇرلاشتۇرۇش، مەكتەپتە بوزەك قىلىشنى تۈزەش، تىجارەت-سودا مۇھىتىنى ئەلالاشتۇرۇش، پۇل مۇئامىلە خەۋپ-خەتىرىنىڭ ئالدىنى ئېلىش قاتارلىق ئىجتىمائىي ئاممىۋى باشقۇرۇش جەھەتلەرگە مەركەزلەشكەن.
بېجىرگۈچى ئورۇنلار بېجىرىش خىزمىتىنى جامائەت خەۋپسىزلىكى كەسپى بىلەن زىچ بىرلەشتۈرۈپ، «بېجىرىشتىن بۇرۇن پىكىر ئالماشتۇرۇش، بېجىرىش داۋامىدا كېڭىشىش، بېجىرىشتىن كېيىن ئىنكاس قايتۇرۇش» خىزمەت مېخانىزمىدا چىڭ تۇرۇپ، ۋەكىللەر ۋە ئەزالارنىڭ پىكىر-تەكلىپلىرىنى تولۇق ئاڭلاپ، قاراتمىلىقى كۈچلۈك بىر قاتار تەدبىرلەرنى ئوتتۇرىغا قويۇشقا تۈرتكە بولۇپ، ئەمەلىي خىزمەت نەتىجىلىرى ئارقىلىق ۋەكىللەر، ئەزالار كۆڭۈل بۆلۈۋاتقان مەسىلىلەرگە ئىنكاس قايتۇرۇپ، خەلقنىڭ ساداسىغا جاۋاب قايتۇرۇپ، «خەلقنىڭ ساداسىغا ئىنكاس قايتۇرۇش»نى ئىشقا ئاشۇردى. ۋەكىللەر، ئەزالار ئوتتۇرىغا قويغان تېلېگراف تور ئالدامچىلىقى جىنايىتىگە زەربە بېرىش، تۈزەشنى كۈچەيتىش توغرىسىدىكى تەكلىپكە قارىتا، سۆھبەتلىشىشكە تەشكىللەش، نەق مەيداندا تەكشۈرۈش قاتارلىق شەكىللەر ئارقىلىق ئاساسىي قاتلامنىڭ بىرىنچى سېپىگە چوڭقۇر چۆكۈپ، بىرىنچى قول ماتېرىيالنى ئىگىلەپ، مۇمكىنچىلىك تەدبىرلىرىنى تەتقىق قىلىپ، زەربە بېرىش، تۈزەش خىزمىتىنىڭ چوڭقۇرلىشىشى، ئەمەلىيلىشىشىگە تۈرتكە بولدى. ۋەكىللەر، ئەزالار ئوتتۇرىغا قويغان تىجارەت-سودا مۇھىتىنى ئەلالاشتۇرۇش قاتارلىق تەكلىپلەرگە قارىتا، باش تېما تەربىيەسى بويىچە مەخسۇس تېمىلىق تەكشۈرۈپ تەتقىق قىلىش ۋە دائىملاشقان «ئەلگە نەپ يەتكۈزۈش-كارخانىلارغا پايدا يەتكۈزۈش» بويىچە تەكشۈرۈپ تەتقىق قىلىش، زىيارەت قىلىش پائالىيىتىدىن تولۇق پايدىلىنىپ، چوڭقۇر تەكشۈرۈپ تەتقىق قىلىپ، پىكىر-تەكلىپلەرنى قوبۇل قىلىپ، جامائەت خەۋپسىزلىكى قانۇن ئىجراسىنى قېلىپلاشتۇرۇش قۇرۇلۇشىنى سىجىل چوڭقۇرلاشتۇرۇپ، قانۇنچىللاشقان تىجارەت-سودا مۇھىتىغا پۈتۈن كۈچ بىلەن مۇلازىمەت قىلىپ كاپالەتلىك قىلدى. شەھەر قاتنىشىنى باشقۇرۇش مەسىلىسىنى چۆرىدەپ، شەھەر يول قاتنىشىنى ئىنچىكىلەشتۈرۈپ تۈزەش، دەرىجىسىنى ئۆستۈرۈش ھەرىكىتىنى ئورۇنلاشتۇرۇپ يولغا قويۇپ، تېخىمۇ تەرتىپلىك، تېخىمۇ بىخەتەر، تېخىمۇ پاكىزە بولغان شەھەر قاتناش مۇھىتىنى كۈچەپ بەرپا قىلىپ، تىرىشىپ خەلق ئاممىسىنى يۇقىرى سۈپەتلىك سەپەر مۇھىتىدىن بەھرىمەن قىلدى.
كۆرۈپ بېكىتكۈچى: تۇرغۇن ئابلىز
مەنبە: خەلق تورى
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
