نۆۋەتتە، ناھىيە يېزىلىرىدىكى پاسكىنا سۇنى تۈزەش خىزمىتىدە قانداق قىيىن نۇقتىلارغا دۇچ كەلدى؟ ھاجەتخانا ئىنقىلابى قانداق ئىلگىرى سۈرۈلدى؟ يېقىندا، مەملىكەتلىك خەلق قۇرۇلتىيىنىڭ ۋەكىلى، سىچۈەن ئۆلكىسى شۈەنخەن ناھىيەسى لۇڭچۈەن تۇجيا يېزىسى خۇاڭليەن كەنتى پارتىيە ياچېيكىسىنىڭ شۇجىسى خۇ شياۋلىڭ يەنە بىر قېتىم شۈەنخەن ناھىيەسىدىكى ئالاقىدار تارماقلارغا كېلىپ، يېزىلارنىڭ پاسكىنا سۇنى تۈزەش خىزمىتى ئەھۋالىنى تەكشۈرۈپ تەتقىق قىلدى. بىر يىلدىن بۇيان، خۇ شياۋلىڭ شۈەنخەن ناھىيەسىدىكى يېزىلارنى مۇھىم نۇقتا قىلىپ، يېزا ئاھالىلىرىنىڭ ياشاش مۇھىتىنى تۈزەش، دەرىجىسىنى ئۆستۈرۈش خىزمىتىنى چوڭقۇر ئىگىلىدى.
بىر قېتىملىق تەكشۈرۈپ تەتقىق قىلىش جەريانىدا، خۇ شياۋلىڭ خۇاڭليەن كەنتى 2- گۇرۇپپىسىنىڭ كەنت ئاھالىسى جاڭ شۆچېڭنىڭ ئۆيىگە كەلدى، بىر ئائىلە كىشىلىرى يېڭىدىن سېلىنغان ئاشخانىدا ئالدىراش ئىشلەۋاتاتتى. خۇ شياۋلىڭ كۆكتات يۇيۇپ بولغان سۇنىڭ سۇ چىقىرىش ئېغىزىنى بويلاپ ئۇدۇل ئۆينىڭ ئالدىدىكى ئېرىققا ئېقىپ كىرگەنلىكىنى، ئۇنىڭ ئۈستىدە ماي بارلىقىنى بايقىدى. «بىزنىڭ ئۆيدىكى پاسكىنا سۇ پەقەت ئۇدۇل ئىشىك ئالدىدىكى ئېرىققا قويۇپ بېرىلىدۇ، يازدا پۇرىقى ھەقىقەتەن ياخشى ئەمەس.»، دېدى جاڭ شۆچېڭ. خۇ شياۋلىڭ بۇنى كۆرۈپ كۆڭلىدە ساقلىدى.
ئۇزاق ئۆتمەي، خۇ شياۋلىڭ يەنە خۇاڭليەن كەنتى 3 - گۇرۇپپىسىنىڭ كەنت ئاھالىسى ليۇ فۇتەينىڭ ئۆيىگە كەلدى. «بىز ھازىر تۇرمۇش ئەخلەتلىرىنى قانداق بىر تەرەپ قىلىشنى بىلمەيمىز. شۇ جايدا كۆيدۈرۈۋېتىش ياكى سىرتتا تۆكۈشكە بولمايدۇ، ئېكولوگىيەلىك مۇھىتقا تەسىر يەتكۈزىدۇ. بىز تارقاق تۇرىمىز، مەركەزلەشتۈرۈپ بىر تەرەپ قىلىشنىڭ تەننەرخى چوڭ، قانداق قىلىش كېرەك؟ دېدى ليۇ فۇتەي.
خۇ شياۋلىڭ پاسكىنا سۇ، ئەخلەتلەرنى بىر تەرەپ قىلغاندا بىراقلا ھەل قىلغىلى بولمايدىغانلىقىنى بىلەتتى. شۇڭا ئۇ ئىلگىرى - كېيىن بولۇپ سىچۈەندىكى نۇرغۇن يېزىغا بېرىپ تەكشۈرۈپ تەتقىق قىلدى، يەنە يۈننەن، گۇيجوۋ قاتارلىق جايلارغا بېرىپ ئۆگەندى. تەكشۈرۈپ تەتقىق قىلىش خاتىرىسىگە، ئۇ ئۆزىنىڭ تەسىراتى ۋە تەپەككۇرىنى يازدى: پاسكىنا سۇنىڭ ھازىرقى ئەھۋالىنى ئېنىقلاپ، «بىر كەنتتە بىر جەدۋەل بولۇش» ئارقىلىق يېزىلارنىڭ پاسكىنا سۇ چىقىرىش مىقدارى، قارا سۇ، يۇندىنى چىقىرىش مىقدارى، سۇ مۇھىتى قاتارلىقلارنىڭ ھازىرقى ئەھۋالىنى تەكشۈرۈپ ئېنىقلاش؛ يېزىلارنىڭ تۇرمۇش پاسكىنا سۈيىنى تۈزەش ئەسلىھەلىرىنى باشقۇرۇش تۈزۈمىنى مۇكەممەللەشتۈرۈش كېرەك.
«يېزا تۇرمۇش ئەخلەتلىرىنى يۆتكەپ توشۇش سىستېمىسى ئۈنۈملۈك كۈچەيتىلدى». «ئادەم ۋە چارۋىلارنىڭ گەندىنى بىۋاسىتە چىقىرىش مەسىلىسى تەدرىجىي ياخشىلاندى.»... 2- ئاينىڭ بېشىدا، خۇ شياۋلىڭ ئامما كۆڭۈل بۆلىدىغان مەسىلىلەرنى ئېلىپ شۈەنخەن ناھىيەلىك ئېكولوگىيەلىك مۇھىت ئىدارىسى، ناھىيەلىك يېزا ئىگىلىكى - يېزا ئىدارىسى قاتارلىق تارماقلارغا بېرىپ زىيارەت قىلدى، تەكشۈرۈپ تەتقىق قىلىش نەتىجىسى ئۇنى ناھايىتى خۇشال قىلدى. «جاپا - مۇشەققەت ھېچقانچە ئىش ئەمەس، مۇھىمى ئاممىنىڭ يۈرەك ساداسىنى ئىپادىلەپ، ئامما كۆڭۈل بۆلىدىغان مەسىلىلەرنى ۋاقتىدا ھەل قىلىش.» دېدى خۇ شياۋلىڭ.
مۇخبىر خاتىرىسى
ئاساسىي قاتلامدا يىلتىز تارتىپ، خەلقنى غەمدىن خالاس قىلىش
كۆپ جايلارنى زىيارەت قىلىش، ئاممىنىڭ يۈرەك ساداسىنى ئىگىلەش خۇ شياۋلىڭنىڭ خىزمەتتىكى نورمال ھالىتى. ئۇ يىل بويى ئاساسىي قاتلامدا يىلتىز تارتىپ، خەلقنىڭ ساداسىغا قۇلاق سېلىپ، ئەل رايىنى يەتكۈزۈپ، خەلقنى غەمدىن خالاس قىلدى.
پەقەت ئاساسىي قاتلامدا بولغاندىلا، ئاندىن خەلق ئۈچۈن ئېنىق پوزىتسىيە بىلدۈرگىلى بولىدۇ. خۇ شياۋلىڭ مۇنداق دېدى: «مەملىكەتلىك خەلق قۇرۇلتىيىنىڭ ۋەكىلى بولۇش سۈپىتىم بىلەن، زىممەمدە ئېغىر مەسئۇلىيەت بار. مەسئۇلىيەتنى ئادا قىلىش قانچە چوڭقۇر بولسا، مەسئۇلىيەتنى چۈشىنىش شۇنچە چوڭقۇر بولىدۇ، مەن ئاساسىي قاتلامغا تېخىمۇ چوڭقۇر چۆكۈپ، يۇرتداشلارنىڭ ساداسىغا قۇلاق سېلىشىم كېرەك.»
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
