«گوۋۇيۈەنگە: ھۆكۈمەت خىزمىتىدىن دوكلاتقا تەكلىپ بېرىمەن» تور ئەھلىدىن پىكىر-تەكلىپ توپلاش پائالىيىتى باشلاندى

　　خەلق تورى ئۇيغۇرچە قانىلىنىڭ 12-ئاينىڭ 15-كۈنى بېيجىڭدىن بەرگەن تېلېگراممىسى: جۇڭگو ھۆكۈمەت تورى 2023-يىل 12-ئاينىڭ 14-كۈنىدىن باشلاپ خەلق تورى، شىنخۇا تورى، مەركىزىي تېلېۋىزىيە ئىستانسىسى تورى، سەيشىن تورى، سۇمۇرغ تورى، پېڭپەي خەۋەرلىرى، دوۋيىن، جىخۇ قاتارلىق 29 تور تاراتقۇ سۇپىسى، شۇنىڭدەك يەرلىك تارماقلار، ھۆكۈمەت تور بېكەتلىرى بىلەن بىرلىشىپ 2024-يىللىق «گوۋۇيۈەنگە: ھۆكۈمەت خىزمىتىدىن دوكلاتقا تەكلىپ بېرىمەن» تور ئەھلىدىن تەكلىپ-پىكىر توپلاش پائالىيىتىنى قانات يايدۇرۇپ، تور ئەھلىنىڭ «ھۆكۈمەت خىزمىتىدىن دوكلات» ۋە ھۆكۈمەت خىزمىتى توغرىسىدىكى تەكلىپ-پىكىرلىرىنى ئاڭلايدۇ. پائالىيەت 2024-يىللىق مەملىكەتلىك ئىككى يىغىنغىچە داۋاملىشىدۇ.

　　ھۆكۈمەت خىزمىتىگە قانداق قارايسىز؟ قانداق ئارزۇ-ئۈمىدىڭىز بار؟ بۇ قېتىمقى پائالىيەتتە «زامانىۋى كەسىپ سىستېمىسى»، «ئىچكى ئېھتىياجنى كېڭەيتىش»، «پەن-تېخنىكىدا يېڭىلىق يارىتىش»، «سىرتقا ئېچىۋېتىش»، «مائارىپ ۋە ئىختىساسلىقلار»، «ئىشقا ئورۇنلىشىش، ئىگىلىك تىكلەش»، «ئىجتىمائىي كاپالەت»، «داۋالاش-ساغلاملىق»، «يېزا-كەنتلەرنى گۈللەندۈرۈش»، «مەمۇرىيەت ئۈنۈمىنى ئۆستۈرۈش» قاتارلىق 16 تۈرلۈك تېما تەسىس قىلىندى. تور ئەھلى جۇڭگو ھۆكۈمەت تورى، گوۋۇيۈەن يانفون تېرمىنالى، گوۋۇيۈەن تېرمىنالى ئۈندىدارى، بەيدۇ، جىفۇباۋ ئەپچىسى ھەمدە ھەر قايسى ئالاقىدار تور بېكەتلىرى ۋە سۇپىسىغا چىقىپ سۆز قالدۇرسا بولىدۇ. توپلانغان پىكىر-تەكلىپلەر جەملەپ رەتلەنگەندىن كېيىن ئالاقىدار جايلار ۋە تارماقلارنىڭ مۇزاكىرە قىلىپ بىر تەرەپ قىلىشىغا يوللىنىدۇ ھەمدە «ھۆكۈمەت خىزمىتىدىن دوكلات» تەييارلاش گۇرۇپپىسىنىڭ پايدىلىنىشىغا يوللىنىدۇ.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى