دورا چۈشەندۈرمىسىنىڭ چوڭ خەتلىك نۇسخىسى ئېلان قىلىنىدۇ

　　يېقىندا، دۆلەت دورا نازارەت قىلىپ باشقۇرۇش ئىدارىسى دورا تەكشۈرۈش مەركىزى «دورا چۈشەندۈرمىسى (ئاددىيلاشتۇرۇلغان نۇسخىسى) ۋە دورا چۈشەندۈرمىسى (چوڭ خەتلىك نۇسخىسى)نى يېزىش كۆرسەتمىسى» ۋە «ئېلېكتىرونلۇق دورا چۈشەندۈرمىسى (مۇكەممەل نۇسخىسى) شەكىل تەلىپى»نى ئېلان قىلدى، ئېلان قىلىنغان كۈندىن باشلاپ يولغا قويۇلىدۇ.

　　«دورا چۈشەندۈرمىسى (ئاددىيلاشتۇرۇلغان نۇسخىسى) ۋە دورا چۈشەندۈرۈشى (چوڭ خەتلىك نۇسخىسى) نى يېزىش كۆرسەتمىسى»دە، دورا چۈشەندۈرمىسى (ئاددىيلاشتۇرۇلغان نۇسخىسى) پەقەت دورا نازارەت قىلىپ باشقۇرۇش تارمىقى تەستىقلىغان چۈشەندۈرمىسىنىڭ تولۇق نۇسخىسى ئاساسىدا قىسقارتىلىدۇ، يېزىش مەزمۇنى ۋە تەلىپى چۈشەندۈرمىسىنىڭ تولۇق نۇسخىسى بىلەن بىردەك بولۇشى كېرەك، دەپ ئوتتۇرىغا قويۇلدى. بىمارلارنىڭ دورا ئىشلىتىش بىخەتەرلىكىگە كاپالەتلىك قىلىش، ئوخشاش بولمىغان ئەھۋالدىكى بىمارلارنىڭ ئوقۇش ئېھتىياجىنى قاندۇرۇش ئۈچۈن، دورا چۈشەندۈرمىسى (ئاددىيلاشتۇرۇلغان نۇسخىسى) نىڭ كونكرېت مەزمۇنى ۋە قەغەزنىڭ چوڭ-كىچىكلىكىگە ئاساسەن، مۇۋاپىق ئورۇنلاشتۇرۇپ، بىمارلارنىڭ ئوقۇشىغا ماس كېلىدىغان چۈشەندۈرۈش شەكلىنى پەيدا قىلىپ، 4-نومۇرلۇق ۋە تېخىمۇ چوڭ خەت شەكلىنى تاللاپ ئىشلىتىشكە ئىلھام بېرىش كېرەك. دورا چۈشەندۈرمىسى (ئاددىيلاشتۇرۇلغان نۇسخىسى) نىڭ ماۋزۇسى، ئەسكەرتىش مەزمۇنى، ئاگاھلاندۇرۇش سۆزى، تۈر نامى قاتارلىقلار كۆزگە چېلىقىپ تۇرىدىغان بولۇشى، مۇۋاپىق چوڭايتىپ توملاشتۇرۇلۇشى كېرەك.

　　دورا چۈشەندۈرمىسى (چوڭ خەتلىك نۇسخىسى) بىلەن دورا چۈشەندۈرمىسى (مۇكەممەل نۇسخىسى) نىڭ مەزمۇنى بىردەك بولۇشى، كونكرېت مەزمۇنى ۋە قەغەزنىڭ چوڭ-كىچىكلىكىگە بىرلەشتۈرۈپ، دورا چۈشەندۈرمىسى (ئاددىيلاشتۇرۇلغان نۇسخىسى) نىڭ مۇناسىپ مەزمۇنى بويىچە مۇۋاپىق چوڭايتىلىپ ۋە توملاشتۇرۇلۇپ، ئوخشاش بولمىغان بىمارلارنىڭ ئوقۇش ئېھتىياجى قاندۇرۇلۇشى كېرەك.

　　ئۇنىڭدىن باشقا، «ئېلېكتىرونلۇق دورا چۈشەندۈرمىسى (مۇكەممەل نۇسخىسى)نىڭ شەكىل تەلىپى»دە مۇنۇلار ئوتتۇرىغا قويۇلدى: ئېلېكتىرونلۇق دورا چۈشەندۈرمىسى (مۇكەممەل نۇسخىسى) دورا نازارەت قىلىپ باشقۇرۇش تارماقلىرى تەستىقلىغان چۈشەندۈرمىنىڭ مۇكەممەل نۇسخىسىنىڭ مەزمۇنى ۋە شەكلى بىلەن بىردەك بولۇشى كېرەك، ئېلېكتىرونلۇق دورا چۈشەندۈرمىسى (مۇكەممەل نۇسخىسى)نىڭ خەت نۇسخىسىدا قارا خەت ياكى سۇڭ خەت شەكلى، ئىنگلىزچە ۋە رەقەمدە «Times New Roman» نى ئىشلىتىشكە ئىلھام بېرىلىدۇ.

　　ئېلېكتىرونلۇق دورا چۈشەندۈرمىسى (مۇكەممەل نۇسخىسى) كىچىكلىتىش ئىقتىدارىنى قوللىشى، ئوخشاش بولمىغان ئېلېكتىرونلۇق ئۈسكۈنىلەرگە ماس كېلىشى، ئوخشاش بولمىغان ئېلېكتىرونلۇق ئۈسكۈنىلەر ئارىسىدا خەت شەكلى، بەت شەكلىنىڭ ئۆزگىرىشى ۋە پەرقى بولماسلىقى كېرەك.

　　ئىلتىماس قىلغۇچىنىڭ ئېلېكتىرونلۇق دورا چۈشەندۈرمىسى (مۇكەممەل نۇسخىسى)دە چوڭ خەت شەكلى، چوڭ سىنبەلگە، يۇقىرى سېلىشتۇرما دەرىجىسىدىكى خەتلەرنى ئىشلىتىشىگە ئىلھام بېرىلىدۇ، pdf شەكلىنى ئىشلىتىش تەكلىپى بېرىلىدۇ، jpg قاتارلىق رەسىم شەكلىنى ئاددىي ئۆزگەرتىش تەكلىپى بېرىلمەيدۇ. ئېلېكتىرونلۇق دورا چۈشەندۈرمىسى (مۇكەممەل نۇسخىسى)دا ئېلان قىستۇرمىسى تەسىس قىلىنماسلىقى، بولۇپمۇ پۇل تۆلەش تۈرىدىكى مەشغۇلاتلار، ھەرقانداق يېتەكلەش شەكلىدىكى كۇنۇپكىلارنى ئۆز ئىچىگە ئالماسلىقى، بىمارلار ۋە كەسپىي خادىملارنىڭ دورىنىڭ ئومۇميۈزلۈك ئۇچۇرلىرىنى چۈشىنىشىگە قولايلىق يارىتىپ بېرىشى كېرەك.

　　مەنبە: خەلق تورى