رۇسىيە سۈنئىي ھەمراھ ئاگېنتلىقىنىڭ 7-ئاينىڭ 24-كۈنىدىكى خەۋىرىگە ئاساسلانغاندا، رۇسىيە زۇڭتۇڭى پۇتىن ئامۇر ئىشتاتىدىكى ئايروپىلان چۈشۈپ كېتىش ھادىسىسىدە قازا قىلغانلارنىڭ ئۇرۇق-تۇغقان، دوست-بۇرادەرلىرىدىن چوڭقۇر ھال سورىغان ۋە ئۇلارغا تەزىيە بىلدۈرگەن.
خەۋەر قىلىنىشىچە، پۇتىن دېڭىز ئارمىيەسى سۇ ئاستى فىلوتىنى تەرەققىي قىلدۇرۇش يىغىنى باشلانغاندا مۇنداق دېگەن: «بۈگۈن، ئامۇر ئىشتاتىدا خەلق ئاۋىياتسىيەسىنىڭ يولۇچىلار ئايروپىلانى چۈشۈپ كېتىش ۋەقەسى يۈز بېرىپ، نەچچە ئون ئادەم قازا قىلدى. مەن بۇ قېتىمقى ئايروپىلان ھادىسىسىدە قازا قىلغانلارنىڭ ئۇرۇق-تۇغقان، دوست-بۇرادەرلىرى ۋە قازا قىلغانلارنىڭ بارلىق ئائىلە تەۋەلىرىدىن چوڭقۇر ھال سورايمەن ۋە ئۇلارغا تەزىيە بىلدۈرىمەن.»
بۇنىڭدىن ئىلگىرىكى خەۋەرگە قارىغاندا، رۇسىيە جىددىي ئەھۋال مىنىستىرلىقى 7-ئاينىڭ 24-كۈنى مۇنداق بىلدۈرگەن: دەسلەپكى ئۇچۇردا كۆرسىتىلىشىچە، شۇ كۈنى ئامۇر ئىشتاتىدا چۈشۈپ كەتكەن ئان-24 تىپلىق يولۇچىلار ئايروپىلانىدىكى كىشىلەرنىڭ ھەممىسى قازا قىلغان.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
