شىنخۇا ئاگېنتلىقى، بېيجىڭ، 7-ئاينىڭ 17-كۈنى تېلېگراممىسى دۆلىتىمىزنىڭ مۇئاۋىن رەئىسى خەن جېڭ 7-ئاينىڭ 18-كۈنى بېيجىڭدا جەنۇبىي ئافرىقىنىڭ مۇئاۋىن زۇڭتۇڭى ماشاتىلې بىلەن كۆرۈشتى.
خەن جېڭ مۇنداق بىلدۈردى: بۇلتۇر 9-ئايدا، رەئىس شى جىنپىڭ زۇڭتۇڭ رامافۇسا بىلەن مۇۋەپپەقىيەتلىك ئۇچرىشىپ، ئىككى دۆلەت مۇناسىۋىتىنى يېڭى دەۋردىكى ئومۇميۈزلۈك ئىستراتېگىيەلىك ھەمكارلىق، ھەمراھلىق مۇناسىۋىتىگە كۆتۈرۈشنى ئورتاق جاكارلاپ، يۇقىرى سەۋىيەلىك جۇڭگو-جەنۇبىي ئافرىقا تەقدىر ئورتاق گەۋدىسى بەرپا قىلىشنىڭ يېڭى سەھىپىسىنى ئاچتى. ئالدىنقى يىلى، مەن مۇئاۋىن زۇڭتۇڭ ئەپەندى بىلەن بىرلىكتە جۇڭگو-جەنۇبىي ئافرىقا دۆلەتلىرى ئىككى تەرەپ كومىتېتىنىڭ 8-قېتىملىق ئومۇمىي يىغىنىنى رىياسەتچىلىك قىلىپ ئېچىپ، ئىككى دۆلەتنىڭ ھەرقايسى ساھەلەردىكى ھەمكارلىقىدا كەڭ نەتىجىلەرنى قولغا كەلتۈرۈشكە تۈرتكە بولدۇق. ئىككى تەرەپ ئىككى دۆلەت باشلىقلىرى ھاسىل قىلغان مۇھىم ئورتاق تونۇشنى يەنىمۇ ياخشى ئەمەلىيلەشتۈرۈپ، سىياسىي جەھەتتە ئۆزئارا ئىشىنىشنى ئۈزلۈكسىز ئىلگىرى سۈرۈپ، ئىككى تەرەپ ھەمكارلىقىنىڭ يۇقىرى سۈپەتلىك تەرەققىياتىغا تۈرتكە بولۇپ، ئۆزلىرىنىڭ زامانىۋىلاشتۇرۇش ئىشلىرىغا مۇلازىمەت قىلىشى كېرەك.
ماشاتىلې مۇنداق بىلدۈردى: جەنۇبىي ئافرىقا جەنۇبىي ئافرىقا بىلەن جۇڭگونىڭ يېڭى دەۋردىكى ھەر تەرەپلىمە ئىستراتېگىيەلىك ھەمكارلىق، ھەمراھلىق مۇناسىۋىتىگە يۈكسەك ئەھمىيەت بېرىدۇ، بىر جۇڭگو سىياسىتىگە قەتئىي ئەمەل قىلىدۇ، ئىككى دۆلەتنىڭ سودا، سېلىنما قاتارلىق ساھەلەردىكى ھەمكارلىقى كۈچلۈك تەرەققىي قىلىۋاتىدۇ. ئىككى دۆلەت باشلىقلىرىنىڭ ئورتاق تونۇشىنى يەنىمۇ ئەمەلىيلەشتۈرۈپ، جەنۇبىي ئافرىقا بىلەن جۇڭگو، ئافرىقا بىلەن جۇڭگو مۇناسىۋىتىنىڭ تەرەققىياتى ئۈچۈن تۆھپە قوشۇشنى خالايدۇ.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
