مۇخبىرنىڭ يېقىندا سانائەت ۋە ئۇچۇرلاشتۇرۇش مىنىستىرلىقىدىن ئىگىلىشىچە، بۇ يىل 1-پەسىلدە، ئېلىمىزنىڭ كۆلەمدىن يۇقىرى ئېلېكتىرونلۇق ئۇچۇر ياسىمىچىلىقىنىڭ قوشۇلما قىممىتى بۇلتۇرقى ئوخشاش مەزگىلدىكىدىن %13 ئېشىپ، ئېشىش سۈرئىتى ئايرىم-ئايرىم ھالدا ئوخشاش مەزگىلدىكى سانائەت، يۇقىرى تېخنىكىلىق ياسىمىچىلىقتىكىدىن 6.9 ۋە 5.5 پىرسەنت پوئېنتى يۇقىرى بولغان. بۇنىڭ ئىچىدە 3 - ئايدا كۆلەمدىن يۇقىرى ئېلېكترونلۇق ئۇچۇر ياسىمىچىلىقىنىڭ قوشۇلما قىممىتى بۇلتۇرقى ئوخشاش مەزگىلدىكىدىن %10.6 ئاشقان.
ئاساسلىق مەھسۇلاتلارنىڭ ئىشلەپچىقىرىلىشى پۇختا قەدەمدە ئېشىپ، ئېكسپورت قايتا ئۆرلىدى. بىرىنچى پەسىلدە، يانفون مەھسۇلات مىقدارى 374 مىليون بولۇپ، بۇلتۇرقى ئوخشاش مەزگىلدىكىدىن %13.6 ئاشقان، بۇنىڭ ئىچىدە ئەقلىي ئىقتىدارلىق يانفون مەھسۇلات مىقدارى 276 مىليون بولۇپ، ئوخشاش مەزگىلدىكىدىن 16.7％ 16.7 ئاشقان؛ مىكرو كومپيۇتېر ئۈسكۈنىلىرىنىڭ مەھسۇلات مىقدارى 74 مىليون 40 مىڭ؛ توپلاشتۇرۇلغان توك يولى مەھسۇلات مىقدارى 98 مىليارد 100 مىليون دانە بولۇپ، بۇلتۇرقى ئوخشاش مەزگىلدىكىدىن %40 ئاشقان. 1-پەسىلدە، ئېلىمىز 32 مىليون 320 مىڭ خاتىرە كومپيۇتېر ئېكسپورت قىلغان بولۇپ، بۇلتۇرقى ئوخشاش مەزگىلدىكىدىن %11.5 ئاشقان؛ ئېكسپورت قىلىنغان يان تېلېفون 181 مىليون بولۇپ، بۇلتۇرقى ئوخشاش مەزگىلدىكىدىن ％ 6.3 ئاشقان؛ ئېكسپورت قىلىنغان توپلاشتۇرۇلغان توك يولى 62 مىليارد 400 مىليون بولۇپ، بۇلتۇرقى ئوخشاش مەزگىلدىكىدىن ％ 3 ئاشتى.
ئۈنۈمى سىجىل ياخشىلاندى. 1-پەسىلدە، كۆلەمدىن يۇقىرى ئېلېكتىرونلۇق ئۇچۇر ياسىمىچىلىقى ئىشقا ئاشۇرغان تىجارەت كىرىمى 3 تىرىليون 440 مىليارد يۈەن بولۇپ، بۇلتۇرقى ئوخشاش مەزگىلدىكىدىن ％ 6.7 ئاشتى؛ ئىشقا ئاشۇرۇلغان پايدا ئومۇمىي سوممىسى 100 مىليارد 900 مىليون يۈەن بولۇپ، بۇلتۇرقى ئوخشاش مەزگىلدىكىدىن %82.5 ئاشتى؛ تىجارەت كىرىمىنىڭ پايدا نىسبىتى % 2.9 بولۇپ، 1-ئايدىن 2-ئايغىچە بولغان مەزگىلدىكىدىن 0.9 پىرسەنت پوئېنتى ئاشقان. سېلىنما بىرقەدەر يۇقىرى ئېشىش سۈرئىتىنى ساقلىدى. 1-پەسىلدە، ئېلېكتىرونلۇق ئۇچۇر ياسىمىچىلىقىنىڭ مۇقىم مۈلۈك سېلىنمىسى بۇلتۇرقى ئوخشاش مەزگىلدىكىدىن ％ 14.3 ئېشىپ، ئوخشاش مەزگىلدىكى سانائەت، يۇقىرى تېخنىكىلىق ياسىمىچىلىققا سېلىشتۇرغاندا سېلىنمىنىڭ ئېشىش سۈرئىتى ئايرىم-ئايرىم ھالدا 0.9 ۋە 3.5 پىرسەنت پوئېنتى يۇقىرى بولدى.
مەنبە: خەلق تورى
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
