شى جىنپىڭ چادنىڭ زۇڭتۇڭلۇقىغا سايلانغان مۇھەممەدكە تەبرىك تېلېگراممىسى ئەۋەتتى

　　5 - ئاينىڭ 20 - كۈنى، دۆلەت رەئىسى شى جىنپىڭ مۇھەممەد ئىدرىس دېبىي يىتىنوغا تېلېگرامما ئەۋەتىپ، ئۇنىڭ چاد جۇمھۇرىيىتىنىڭ زۇڭتۇڭلۇقىغا سايلانغانلىقىنى تەبرىكلىدى.

　　شى جىنپىڭ مۇنداق كۆرسەتتى: يېقىنقى يىللاردىن بۇيان، جۇڭگو - چاد مۇناسىۋىتى ياخشى تەرەققىيات ۋەزىيىتىنى ساقلىدى، سىياسىي جەھەتتە ئۆزئارا ئىشىنىش ئۈزلۈكسىز چوڭقۇرلاشتى، ھەرقايسى ساھەلەردىكى ھەمكارلىق پۇختا ئالغا سىلجىتىلدى، خەلقئارا ھەمكارلىق تېخىمۇ قويۇقلاشتى. مەن جۇڭگو - چاد مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، زۇڭتۇڭ مۇھەممەد بىلەن بىرلىكتە تىرىشىپ، ئۆزئارا قوللاشنى كۈچەيتىپ، دوستانە ھەمكارلىقنى ئالغا سىلجىتىپ، ئىككى دۆلەت خەلقلىرىگە تېخىمۇ ياخشى بەخت يارىتىشنى خالايمەن.