ئالىي خەلق سوت مەھكىمىسى خىزمەت دوكلاتىنى چۈشەندۈردى: دەۋانى مەنبەدىن تۈزەشنى ئەمەلگە ئاشۇرۇش كېرەك

　　مەملىكەتلىك ئىككى يىغىن مەزگىلىدە، ئالىي خەلق سوت مەھكىمىسىنىڭ باشلىقى جاڭ جۈن 14-نۆۋەتلىك مەملىكەتلىك خەلق قۇرۇلتىيىنىڭ 2-يىغىنىدا ئالىي خەلق سوت مەھكىمىسىنىڭ خىزمەت دوكلاتىنى بەردى. يېقىندا، ئالىي خەلق سوت مەھكىمىسى تەتقىقات ئىشخانىسىنىڭ مۇدىرى جۇ جياخەي توردا خەلق سوت مەھكىمىسىنىڭ ئەمەلىي دەۋا مەنبەسىنى تۈزەش خىزمىتىدىكى يېڭى تەدبىر، يېڭى ئىلگىرىلەشلەرنى چۈشەندۈردى.

　　جۇ جياخەي مۇنۇلارنى بىلدۈردى: «دەۋا مەنبەسىنى تۈزەش» قاراشقىلا چىقىپ تۇرىدۇ، بۇ دەۋانى مەنبەدىن تۈزەشنى ئىشقا ئاشۇرۇش دېگەنلىك. تەكىتلەيدىغىنى شۇكى، يۈز بەرگەن زىددىيەت-ماجىرالارنى مۇرەسسە قىلىش قاتارلىق دەۋاغا كىرمەيدىغان ماجىرالارنى ھەل قىلىش ئۇسۇلىدىن تولۇق پايدىلىنىپ ۋاقتىدا ھەل قىلىپ، زىددىيەتنىڭ كەسكىنلىشىپ كېتىشى، دەۋا بولۇپ قېلىشىدىن ساقلىنىش؛ شۇنىڭ بىلەن بىر ۋاقىتتا، ئىلمىي تۈزەش ۋە باشقۇرۇش ئارقىلىق، تۈرلۈك زىددىيەت-ماجىرالارنىڭ، بولۇپمۇ «بىر تۈركۈم» ئوخشاش تۈردىكى زىددىيەت-ماجىرالارنىڭ قايتا-قايتا يۈز بېرىشىنىڭ ئۈنۈملۈك ئالدىنى ئېلىش كېرەك.

　　جۇ جياخەي مۇنداق دەپ كۆرسەتتى: گەرچە «دەۋا مەنبەسىنى تۈزەش» «دەۋا» تۈسىنى ئالغان بولسىمۇ، ئۇ نوقۇل سوت مەھكىمىسىنىڭ دەۋاسىنى كۆرسەتمەيدۇ، سوت مەھكىمىسىنىڭلا ئىشىمۇ ئەمەس، بەلكى بىر يۈرۈش سىياسەت بىرىكمە مۇشتى، ئۇ نوقۇل ماجىرا يۈز بەرگەن مەلۇم بىر باسقۇچنىمۇ كۆرسەتمەيدۇ، نوقۇل مەلۇم بىر تارماقنىلا كۆرسەتمەيدۇ، تارماقلارنىڭ ئورتاق تىرىشچانلىق كۆرسىتىپ، بىرىكمە كۈچ شەكىللەندۈرۈشىگە توغرا كېلىدۇ، بولۇپمۇ زىددىيەت-ماجىرالارنى دەۋادىن بۇرۇن ھەل قىلىش ئۈچۈن، تېخىمۇ كۆپ قانۇن ئىدارە قىلىش كۈچىنى يېتەكلەش ۋە يېتەكلەش بۆلىكىگە كۈچ سەرپ قىلىشقا توغرا كېلىدۇ.

　　مەنبە: خەلق تورى