ئۈرۈمچى شەھەر ئايلانما يۇقىرى سۈرئەتلىك تاشيول (غەربىي لىنىيە) قۇرۇلۇشى شىنجاڭ يۇقىرى سۈرئەتلىك تاشيول تورىنىڭ مۇھىم تەركىبىي قىسمى
مۇخبىر بۇ قۇرۇلۇشنىڭ تۇدۇڭخابا ئالاھىدە چوڭ كۆۋرۈكى قۇرۇلۇش مەيدانىدا 35 تۈۋرۈك، ئىككى كۆۋرۈك سۇپىسى، 37 ئۆتمىلىك كۆۋرۈك يۈزىدىن تەركىب تاپقان 2259 مېتىرلىق كۆۋرۈك گەۋدىسىنىڭ دەسلەپكى قەدەمدە كۆلەملەشكەنلىكىنى كۆردى.
ئۈرۈمچى شەھەر ئايلانما يۇقىرى سۈرئەتلىك تاشيولى (غەربىي لىنىيە) تۈرىنىڭ ئومۇمىي ئۇزۇنلۇقى 93.616 كىلومېتىر بولۇپ، قوش يۆنىلىشلىك سەككىز ئاپتوموبىل يولىلىق يۇقىرى سۈرئەتلىك تاشيول ئۆلچىمى بويىچە سائەتلىك سۈرئىتى 100 كىلومېتىر قىلىپ لايىھەلەنگەن، بۇ تۈر ئۇلانباي غەربىي تۈگۈن ئۆتۈشمە كۆۋرۈكى بىلەن پۈتۈپ بولغان ئۈرۈمچى شەھەر ئايلانما يۇقىرى سۈرئەتلىك تاشيولى (شەرقىي لىنىيە) دىن مىدۇڭ شىمالىي تۈگۈنىنىڭ ئۆزئارا ئۇلىنىشى بىلەن ئاخىرلىشىدۇ، ئاخىرقى نۇقتىسى گەنچۈەنباۋ ئارىلاشما تۈگۈنىنىڭ ئۆزئارا ئۇلىنىش نۇقتىسىغا تۇتىشىدۇ.
بۇ تۈر پۈتكەندىن كېيىن، ئۈرۈمچى شەھەر ئايلانما يۇقىرى سۈرئەتلىك تاشيولى (شەرقىي لىنىيە) G30لىنىيەسى ليەنيۈنگاڭ-قورغاس يۇقىرى سۈرئەتلىك تاشيولى G7لىنىيەسى بېيجىڭ-شىنجاڭ يۇقىرى سۈرئەتلىك تاشيولى بىلەن تۇتاشتۇرۇلۇپ، ئۈرۈمچى قاتناش تۈگۈنىنىڭ يۈرۈش ئىقتىدارى ئۆستۈرۈلىدۇ.
مەنبە: خەلق تورى
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
