دىپلوماتىيە مىنىستىرلىقىنىڭ باياناتچىسى جۇڭگونىڭ ئالاقىدار تەرەپلەرنىڭ ۋاقىتلىق ئۇرۇش توختىتىش كېلىشىمى ھاسىل قىلىشىنى قارشى ئالىدىغانلىقىنى بىلدۈردى

　　خاماسنىڭ ئىسرائىلىيە بىلەن تۆت كۈن ئۇرۇش توختىتىش كېلىشىمى ئىمزالىغانلىقىغا قارىتا، دىپلوماتىيە مىنىستىرلىقىنىڭ باياناتچىسى ماۋ نىڭ 22-چېسلا رەسمىيەتلىك مۇخبىرلار يىغىنىدا مۇنۇلارنى بىلدۈردى: جۇڭگو ئالاقىدار تەرەپلەرنىڭ ۋاقىتلىق ئۇرۇش توختىتىش كېلىشىمى ھاسىل قىلىشىنى قارشى ئالىدۇ، بۇنىڭ ئىنسانپەرۋەرلىك كىرىزىسىنى پەسەيتىش، توقۇنۇشنىڭ دەرىجىسىنى تۆۋەنلىتىش، جىددىي ۋەزىيەتنى پەسەيتىشكە پايدىلىق بولۇشىنى ئۈمىد قىلىدۇ.

　　ماۋ نىڭ مۇنۇلارنى بىلدۈردى: بۇ نۆۋەتلىك پەلەستىن-ئىسرائىلىيە توقۇنۇشى پارتلىغاندىن بۇيان، جۇڭگو ئۇرۇش توختىتىپ، ۋەزىيەتنى پەسەيتىشنى ئىلگىرى سۈرۈش، پۇقرالارنى قوغداش، ئىنسانپەرۋەرلىك ياردىمى بېرىشتە بوشاشماي تىرىشچانلىق كۆرسىتىشنى مۇراجىئەت قىلدى.

　　ماۋ نىڭ مۇنداق دېدى: «بىز ئالاقىدار تەرەپلەرنىڭ ۋاقىتلىق ئۇرۇش توختىتىش كېلىشىمى ھاسىل قىلىشىنى قارشى ئالىمىز، بۇنىڭ ئىنسانپەرۋەرلىك كىرىزىسىنى پەسەيتىش، توقۇنۇشنىڭ دەرىجىسىنى تۆۋەنلىتىشنى ئىلگىرى سۈرۈش، جىددىي ۋەزىيەتنى پەسەيتىشكە پايدىلىق بولۇشىنى ئۈمىد قىلىمىز».

　　مەنبە: خەلق تورى