باش بەت قىلىڭ بەت ساقلاڭ ئالاقىلىشىڭ بىز
خەلق تورى>>كۆپ بەتلىك خەۋەرلەر

زۇلپىيە ئوسماننىڭ يازغان خېتى جېجياڭ تارتقۇلىرىنىڭ دىققىتىنى تارتتى

2016.06.15 15:36   مەنبە: خەلق تورى

زۇلپىيە ئوسماننىڭ يازغان خېتى جېجياڭ تارتقۇلىرىنىڭ دىققىتىنى تارتتى

  خەلق تورى ئۇيغۇرچە قانىلىنىڭ 15-ئىيۇن بېيجىڭدىن بەرگەن تېلېگراممىسى: (ئاۋات ناھىيەلىك تەشۋىقات بۆلۈمدىن ئىختىيارىي مۇخبىرىمىز تۇرسۇنجان ھەسەن خەۋىرى، ھەسەنجان مەمتىلى فوتوسى) زۇلپىيە ئوسمان ئاۋات ناھىيەسى غوروچۆل بازىرى ئايكۆل كەنتى 5-يىللىق 1-سىنىپ ئوقۇغۇچىسى بولۇپ، بۇلتۇر سىنىپ مۇدىرىنىڭ يېتەكچىلىكىدە جېجياڭ ئۆلكىسى شاۋشىڭ شەھىرى كېچياۋ رايۇنى مائەن مەركىزىي باشلانغۇچ مەكتىپى 5-يىللىق 3-سىنىپ ئوقۇغۇچىلىرىغا ئۆزئار دوستلۇق مۇناسىۋىتى ئورنىتىش، تىرىشىپ ئۆگىنىپ ئورتاق ئالغا بېسىش، گۈزەل ئارزۇلارنى بىرلىكتە ئەمەلگە ئاشۇرۇشنى مەقسەت قىلىپ بىر پارچە خەت يازغان ئىدى.

  زۇلپىيە ئوسماننىڭ بۇ خېتىنى تاپشۇرۇۋالغان جېجياڭ ئۆلكىسى شاۋشىڭ شەھىرى كېچاۋ رايۇنى مائەن باشلانغۇچ مەكتىپى 5-يىللىق 3-سىنىپتىكى ساۋاقداشلار قاتتىق ھاياجانلىنىپ، زۇلپىيە ئوسمان ئوقۇۋاتقان ئاۋات ناھىيەسى غوروچۆل بازىرى ئايكۆل باشلانغۇچ مەكتىپى 5-يىللىق 1-سىنىپ ئوقۇغۇچىلىرىغا جاۋاپ خەت يازغان. ئىككى سىنىپ ئوتتۇرىسىدا دەسلەپكى قەدەمدە كوللېكتىپ دوستلۇق مۇناسىۋىتى ئورنىتىلغان. ئىككى سىنىپتىكى ساۋاقداشلار ئۆزئارا تۇنۇشقاندىن كېيىن ئايرىم-ئايرىم خەت يېزىشىپ، ئۆزلىرىنىڭ ئۆگىنىش، تۇرمۇش، كىشىلىك غايىلىرى؛ ئائىلە ئەزالىرى، يېمەك-ئىچمەكلىرى، ھاۋا كېلىماتى، ئۆسۈملۈكلىرى، جان-جانۋارلىرى، ئۇزۇقلىرى ھەققىدە ئەتراپلىق پىكىر ئالماشتۇرغان.

  ئىككى سىنىپ ئوقۇغۇچىلىرىنىڭ ئۆز ئارا يېزىشقان خەتلىرى 50 پارچىغا يېتىپ، ئۆز ئارا دوستلۇق مۇناسىۋىتى تازا چوڭقۇرلاشقان. بۇ ئەھۋالدىن خەۋەر تاپقان جېجياڭ ئۆلكىسىدىكى تاراتقۇ مۇخبىرلىرى يېقىندا ئاۋات ناھىيەسىگە كېلىپ، ئايكۆل باشلانغۇچ مەكتىپىنى زىيارەت قىلىپ، ئىككى سىنىپ ئوقۇغۇچىلىرىنىڭ يېزىشقان خەتلىرىنى كۆرۈپ دەۋرىمىز ئۆسمۈرلىرىنىڭ ئالىجاناپ پەزىلىتىدىن تەسىرلىنىپ، ئۇلارنىڭ تىپىك ئىش-ئىزلىرىنى سۈرەتكە ئالدى.

  زۇلپىيە ئوسمان مۇنداق دېدى: شاۋشېڭ ئۇلۇغ بوۋىمىز، داڭلىق ئەدىب لۇشۈننىڭ يۇرتى. شاۋشىڭ شەھىرى ناھىيەمىزگە ساھەلەر بويىچە ياردەم بېرىپ، نۇرغۇن ياخشى ئىشلارنى قىلىپ بەردى. مېنىڭ يىراقتىكى ساۋاقداشلىرىمغا خەت يېزىشتىكى مەقسىتىم ئۆزئارا دوستلۇقنى كۈچەيتىش.

  سۈرەتكە ئېلىش گۇرۇپپىسى ئاۋات ناھىيەسىنىڭ غوروچۆل بازىرى ئايكۆل كەنتىگە كەلگەندىن كېيىن، ئايكۆل باشلانغۇچ مەكتىپىنى مەخسۇس زىيارەت قىلغاندىن باشقا، ئۆز ئارا خەت يېزىشقا ساۋاقداشلارنىڭ ئائىلىسىنىمۇ مەخسۇس زىيارەت قىلىپ ئەھۋال ئىگىلىدى. زۇلپىيە ئوسماننىڭ بىر پارچە خېتى ئىككى سىنىپ كوللېكتىپى ئوتتۇرسىدىكى دوستلۇقنى ئىلگىرى سۈرۈپ، چۈشىنىشنى كۈچەيتىپ، ئورتاق ئالغا بېسىشقا پۇختا ئاساس سېلىپلا قالماستىن، ئىككى جايدىكى ئاتا-ئانىلارنىڭ دوستلۇق رىشتىنى مەھكەم باغلىدى.

  كۆرۈپ بېكىتكۈچى: ياسىن قادىر

  مەنبە: خەلق تورى

【1】 【2】 【3】 

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : ئالىم راخمان

 سۈرەتلەر

  •  تەۋسىيە

    ·بېيجىڭ ئۇنىۋېرسىتېتى شىنجاڭدىن 55 ئوقۇغۇچى قۇبۇل قىلىدۇ
    ·ئۆز ئالدىغا ئوقۇغۇچى قوبۇل قىلىدىغان 90 ئالىي مەكتەپ ئۆز ئالدىغا ئوقۇغۇچى قوبۇل قىلىشنى باشلىدى
    ·مەملىكەت بويىچە 21 ئارمىيە ۋە قوراللىق ساقچى قىسىم ئالىي مەكتىپى شىنجاڭدىن 526 ئوقۇغۇچى قوبۇل قىلىدۇ
    ·ئادەتتىكى ئالىي مەكتەپلەرگە ئارزۇ تولدۇرۇش 20-ئىيۇن باشلىنىدۇ
    ·ئاپتونوم رايونىمىزنىڭ ئادەتتىكى ئالىي مەكتەپلەرگە ئوقۇغۇچى قوبۇل قىلىش ئىمتىھانى ئوڭۇشلۇق ئاياغلاشتى
    ·ئاپتونوم رايون بويىچە 166 مىڭ 100 ئوقۇغۇچى ئادەتتىكى ئالىي مەكتەپ ئىمتىھانىغا قاتنىشىدۇ
    ·مائارىپ مىنىستىرلىقى: جايلار ئوقۇغۇچىلارنىڭ يېڭىلىق يارىتىش، ئىگىلىك تىكلىشىنى رىغبەتلەندۈرىدىغان ك…
    ·بۇ يىل 9 مىليون 400 مىڭ كىشى ئالىي مەكتەپ ئىمتىھانىغا تىزىملاتتى
    ·داڭلىق ئالىي مەكتەپكە ئۆتسە ئۆز تەقدىرىنى ئۆزگەرتكىلى بولامدۇ؟  
    ·مائارىپ مىنىستىرلىقى ۋە ھەرقايسى ئۆلكە ( ئاپتونوم رايون، شەھەر )نىڭ 2016-يىلى ئالىي مەكتەپ ئىمتىھان…