جۇڭگوغا تاجاۋۇز قىلغان ياپونىيە ئارمىيەسىنىڭ باكتىرىيە ئۇرۇشى، مەجبۇرىي «ھال سورىغۇچى ئاياللار»نى يىغىش جىنايىتىگە يېڭىدىن 173 پارچە ئىسپات قوشۇلدى(1)

2016.05.13 16:56   مەنبە: خەلق تورى

　　خەلق تورى ئۇيغۇرچە قانىلىنىڭ 13-ماي بېيجىڭدىن بەرگەن تېلېگراممىسى: 12-ماي، جۇڭگوغا تاجاۋۇز قىلغان ياپونىيە ئارمىيەسىنىڭ نەنجىڭ چوڭ قىرغىنچىلىقىدا بەختسىزلىككە ئۇچرىغان قېرىنداشلار خاتىرە سارىيىدا، لۇ جاۋنىڭ (ئوڭدىن ئىككىنچى كىشى) ئىئانە قىلىنغان تارىخىي ماتېرىياللارنى رەتلىمەكتە. شۇ كۈنى جۇڭگوغا تاجاۋۇز قىلغان ياپونىيە ئارمىيەسىنىڭ نەنجىڭ چوڭ قىرغىنچىلىقىدا بەختسىزلىككە ئۇچرىغان قېرىنداشلار خاتىرە سارىيىدىن ئىگىلىنىشىچە، بۇ ساراي يېقىندا جۇڭگوغا تاجاۋۇز قىلغان ياپونىيە ئارمىيەسىنىڭ جۇڭگودا خىمىيەلىك قورال ئىشلەتكەنلىكى ۋە باكتىرىيە قوراللىرىنى تەتقىق قىلغانلىقى، مەجبۇرىي «ھال سورىغۇچى ئاياللار»نى يىغقانلىقى قاتارلىقلار ئەكىس ئەتتۈرۈرۈلگەن تارىخىي ماتېرىياللارغا ئېرىشكەن. بۇنىڭ ئىچىدە ئامېرىكا دۆلەتلىك ئارخىپ سارىيى ۋە ئامېرىكا ھەربىي ئىشلار تارماقلىرىنىڭ مەخپىيەتلىكى بىكار قىلىنغان قىسمەن ھۆججەتلىرى، سۈرەتلەر، جۇڭگوغا تاجاۋۇز قىلغان ياپونىيە ئارمىيەسىدىكىلەرنىڭ خۇسۇسىي ئالبۇمىدىكى «ھال سورىغۇچى ئاياللار» تارىخىي سۈرەتلىرى قاتارلىقلار بار ئىكەن. ئىگىلىنىشىچە، بۇ تارىخىي ماتېرىياللارنى ئامېرىكا تەۋەلىكىدىكى جۇڭگو مۇھاجىرى لۇ جاۋنىڭ ئىئانە قىلغان بولۇپ، 2004-يىلىدىن بۇيان ئۇ ئىلگىرى-ئاخىر بولۇپ 12 قېتىم بۇ سارايغا 1500 پارچىدىن ئارتۇق ماددىي بۇيۇم، تارىخىي ماتېرىيال قاتارلىقلارنى تەقدىم قىلغان.

　　كۆرۈپ بېكىتكۈچى: ياسىن قادىر

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ